شبكة الشموخ الأدبية

شبكة الشموخ الأدبية (http://www.alshmo5.com/vb/index.php)
-   مجلة الشموخ الثقافية (http://www.alshmo5.com/vb/f30.html)
-   -   صورة مثايل (http://www.alshmo5.com/vb/t40077.html)

alshmo5 02-11-2015 04:39 AM

صورة مثايل
 
من وين مالديت ي صاحبي شفت
بعيوني الثنتين صورة مثايل
انا اشهد اني ياابو عيسئ تهايفت
من فوق جرفن يارفيقي تهايل
ماطحت لا كني علئ الطيحه اشرفت
وضميت جرحي بين عوجن نحايل
من عقبها للحزن والضيق والفت
ماغير اسلي خاطري بالمثايل
في رحلتن من قبل تكمل توقفت
ورجعت منها بالهموم الثقايل
اسرفت في حبه ومن عقبه اسرفت
بدمع العيون الي علئ الخد سايل
ابعدت عن درب المحبين وأنكفت
مالي غرض بمنسعات الجدايل
من بعدها لو للعذارئ تلفت
عز الله ان ماله بقلبي بدايل
لو شفتني لمزيف الضحك زيفت
اضحك وفي كبدي تشب الفتايل
اخاف يفطن لي حدن لا تأففت
وتقعد تناقلها الوجيه الهزايل
انا وهوجاسي وشعري تحالفت
من يوم ماهالو عليها النثايل
لانامت العربان ياصاحبي طفت
بهواجسن تعمل بقلبي عمايل
اركي علئ الدخان لو مزته زفت
يكوي همومن وسط قلبي هوايل
والله لو ترجع وبالعين له شفت
لافرش لها بالورد ظلعان حايل
والرحله الي قبل تكمل توقفت
فيها يعوض من يسوق المخايل




سعد الهبداني

واعتذر للمنتدئ عن انقطاعاتي المستمره


الساعة الآن 06:27 PM.

Powered by vBulletin® Version 3.8.8
Copyright ©2000 - 2024, vBulletin Solutions, Inc.
ظ„ظٹظ†ظƒط§طھ - ط¯ط¹ظ… : SEO by vBSEO 3.5.1 Trans by
Coordination Forum √ 1.0 By: мộнαηηαď © 2011

vEhdaa 1.1 by NLP ©2009