تهنيّ ياديار العز وعيشي في ذرى سلمان=ملك يمتاز بالحكمه ملك تبهج قراراته
ملك يشهد له التاريخ ملك منصف ملك ميزان=لو انّا ننشد العارض تجمّل كل وقفاته
زعيم المملكة عادل زعيم المملكة شامان=يجيه المنظلم يمسح بعدله كل عبراته
يمد بعطفه المسكين يخفّف بالعطاء الأحزان=يكفي انها (انسان) وحده من ثماراته
موّفق يازعيم الجود موّفق يارفيع الشان=عسى التسديد في دربه ويسبق كل خطواته
ملكنا منزله عالي ملكنا للوفا عنوان=سياسي فذ ومحنّك نشوف الخير سيماته
ملكنا ننعم بظله وحبه مايبي برهان=ملكنا رايته بيضاء سنين بنجد بصماته
ملكنا ماتوفيكم حروف الشعر والأوزان=حقيقه قالها الشاعر بحبك سطّر ابياته
يمينه مقرن الوافي شجاع وبالسماء شيهان=رجل دوله ومتمكن يمثّل طيب في ذاته
ومحمد امننا الضافي حمانا من هل الطغيان=بفضل الله ثم جهده سهر ليله ولاباته
وتهنيّ ياديار العز وعيشي في ذرى سلمان=حكيم الرأي والتفكير بعيده حيل نظراته