شبكة الشموخ الأدبية - صوتك قصيدة عشق

http://store1.up-00.com/2015-08/1438611974281.png

صوتك قصيدة عشق واحساسها تـوت
......................... و آآآنـا عليّ اذوق ... حـبّـه بـ حـبّـه
.
وان ما أخذك الصوت والعشق للموت
........................... لاعااااد تكـتب شعـر لـ اللـي تحبّـه
.
بعض القصايد تعبـر السمع وتفـوت
............................. انـت بـ حـروفك جمـر قلبي تشبّـه
.
لو تخلط الاحساس بالبـوح والصـوت
.......................... تركـع لك القـيـفـان فخـر ..ومحبّـه
.
دنـدن بصوتك واطرب الليل والنـوت
........................... حـيّ القصيد وحـيّ منهـو كـتـب بـه
.
تـدري وجـودك بالمعاليـق منـحـوت
.......................... وتدري غرامك لا انطفا الشوق شبّـه

منْـك القصـايـد كنّهـا عقـد ياقـوت
............................. لبيييييـه ذاك الصـوت سبـحـان ربّـه

أحــ مؤجلة ــلام

تويتر .. Ahlaami
انتستغرام .. Ahlaami2
سناب .. ahlaami2