شبكة الشموخ الأدبية

لـ أمـي .. لـ العيد .. لـ كل من مر حياتي ورحل طوعاً ٱو كرهاً
أقووول ..
..كل عام وانتـم بـ قلبـي
.. وكل عيد وأنـا بـ إنتظاركم

بس تعالـوا .. مابي بـ دنياي حاجة حتى عمـري
…………………… بس تعالـوا .. فرح عيـدي غاب عني يحتريكـم

يشهـد الله من رحلتـوا والفَـرح ماعـاد يطـري
…………………… كلّ لحظـة " حلـم " تعبـر ليلـيّ أتخيّـل أجيكـم

كـلّ ليلـة أطفـي شمـوع السهـر وآنـام بـدري
…………………. يمكـن إنـي أحلم .. بذكرى لكم والمـس يديكـم

يمكـن إنـي أحضن طيوفٍ لكم في وسط صدري
…………………. وأشتكيكم لـ العيون اللي بكت شـوق لـ حكيكـم

من رحلتوا حـرّ ذاك الشوق فيني شـبّ جمـري
………………….. ذوّب ضلـوع المحاني ..صـوت نبضـه ينتخيكـم

بس تعالوا .. ذاب شمع العمر قبل العمر يسري
…………………. لملمـوا روحٍ تشـظّـت مـن كثـر خوفـي عليكـم

والسحـاب اللي مع ريـاح الحنين المـرّ يجـري
…………………… ألمـح بـ لونه بيـاض قلوبكـم واسمـع وحيـكـم

والفـراق اللي حفـر بالصدر خلف الضلع قبري
…………………. يبتـدي بي مـن أقـاصـي كاينـي .. ولا ينتهيـكم

من يبشّـرني ؟ يقـول ان اللقـا قـرّب ومحـري
…………………… نـذر لاعطيه العيون اللي أرخصت لجل اشتريكم

بس تعالـوا .. فاجأوا قلبي واسوّي كـنِّ مـدري
……………………. لو تشـوفوا حالـه بـ لحظـة .. تجـوه ويلتقيكـم

لو تشـوفوا كيف يرجـف لو لقـاكم يوم يطـري
……………………. كيف تحتـضْنه ضلوعـه لو صحـى شوقـه يبيكـم

مـن رحلتـوا شـال أحلامـه ولـدّ الـدرب عبـري
……………………. يطرق أبـواب الغيـاب بـ شــوق متمني يجيكـم

بس تعالـوا … مابقا بـ العيـد أيّـة شيّ يغـري
……………………… غيـر إنـي .. "يافديـت تراب رجليكـم" أبيـكـم

أحــ مؤجلة ــلام

تويتر .. Ahlaami
انتستغرام .. ahlaami2
سناب .. ahlaami2