شبكة الشموخ الأدبية - الشاعر /مسند دعيس البلوي الله يجيبك يامحمد على خير

ياربنا اللي ترزق الخلق والطير
اني مؤكل لك حياتي وامري
الله يجيبك يامحمد على خير
حتى تفرج همي اللي بصدري
لونك صغير م انت بعيوني صغير
في عيني الثنتين بتصير كبري
بعطيك موجز يامحمد وتقرير
عشرين عام اللي قضيته بعمري
وانا على درب الرجال المناعير
اعرف خطاويهم على وقت صغري
الــوقت هذا يامحمد ترى غير
زمان جدك راح ماهو بخبري
فارق عيوني ماحصل منه تنذير
ياقو صبري منه ياقو صبري
خلك سواتي لاتحسب المخاسير
اللي يحسب المال ماراح يشري
والسر خله يامحمد وسط بير
نصيحتي لك خلك انسان حذري
لو قلت كلمة خير ياذيب بتصير
بكره بها كل الخلايق تهذري
لابد تلقى في طريقك معاثير
وتفطن لصكات الليالي وتدري

كلمات /الشاعر مسند دعيس البلوي