|
سالف الأيام .. جديدي هنااك بـ سـالف الأيام لي حلـم ، وغلا ، وعهـود تبعثـر نـزفها المنهـك قصـايـد تشقي طروقـي وإذا ماهبّـت الذكرى على أغصاني هبوب النـود جذوع الصبر تتمايـل .. وتحني شامـخ عذوقـي وأرتّـب لك على رفـوف الولـه باقي صور وعـود أخاف من "البطـا" يسـرق تفاصيلك من عروقـي وأمرجحني على حبال الأمل وحدي وأقول يعـود وأولّـع شمعة الهقـوة وأحاول أحتضـن شوقـي وأعيش بـ غيبتك عمري جفـاف وبالمطر موعـود وأبلل يابـس "أفواه الظمـا" من رفرفـة موقـي حبيبي والجفـا ثقله على كتوفي بـ ثقل "الطـود" عجزت أحـْملْه بـ لحالي وأداري ضعفي وعوقـي مثل ماجيـت لك عانـي .. وكفّـي بالوفا ممـدود تمنّـيتـك تجـي نـور ،،، وصبـاح يتمّـم شروقـي ومهمـا كانت أعـذارك أبيـك تكـون لـي موجـود تجيني كلّ مااحتجتـك .. وهاذي أبسـط حقوقـي كثر ماعشـت فيك ومعك مشاريه وجفـا وصـْدود دريت ان الأمل .. طفل وكبر بي يعشق عقوقـي . مادام ان القلوب أغراب "حبيبـي" والليالي سـود نهايـة قصتـي حانـت "سـلام وبـرد" يـاشوقـي احلام مؤجلة تويتر .. Ahlaami@ سناب وانستغرام ..ahlaami2 |
| الساعة الآن 12:44 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011