|
قصيدة بلسان الملك الراحل عبدالله بن عبدالعزيز بسم الله الرحمن الرحيم السلام عليكم ورحمة الله وبركاته عذرا على الغياب الطويل قصيدة شاركت فيها في امسية صفاء و وفاء لرثاء الملك عبدالله بن عبدالعزيز الله يرحمه و مبايعة الملك سلمان حفظه الله اللي نظمها مجلس شعراء هجر بالأحساء و قبل كم يوم كان 3/4/1437 يوم الموافق لوفاة الملك عبدالله بن عبدالعزيز ال سعود و حبيت اشارك بالقصيده اللي شاركت فيها هنا لعل ما ننسى وش قال لنا ( لا تنسوني من دعاكم ) و لعلها تشفي عن غيابي http://www.al-madina.com/files/468_2.jpg فهذة قصيده على لسان الملك الراحل عبدالله بن عبدالعزيز ال سعود الموت مكتوب ومقدّر و جاني واليوم يومي وارتحل عن سماكم الموت ياشعب الشقيق امْر فاني وتكفون لاتنسون اخوكم دعاكم لاتسئلوني وين رايح عشاني مايزيد حملي لا ولايزيد ماكم ماهو بكيفي ارجع النوم حاني نومٍ كبيرٍ مايصحيه حاكم يومٍ تغسلوني وكفني طواني ويومٍ تدفنوني وانا اسمع بكاكم ! متطوقيني ماخلاكم عساني ماوّدكم تمشون واسمع خطاكم واسمع ترحمكم تهز المباني وشلون اجازيكم واجازي شجاكم ثقة ملك في حب شعب احتواني ادريبكم حبكم لذاتي كواكم سكنتكم عيني و وسط المحاني وافديتكم طول العمر من غلاكم يالمملكة حبيتكم من كياني اعشق هواكم ثمّ اعشق هواكم لا حد يقول انه توفى ونساني ببقى الابو ببقى الاخو ما نساكم وسلمتكم سلمان فآقل ثواني وامن وامان الحمدلله معاكم ديّن وخيّر ... لا وْ يحب التفاني ومتعهد الله ان يقوم فحماكم والحين عذروني وانا عبد فاني وتكفون لاتنسون اخوكم دعاكم يالمملكة أوااااه حبكم بلاني وماهو بكيفي واحسن الله عزاكم وسلامتكم الله يرحمه ويسكنه فسيح جناته ويوفق ويحفظ ملكنا سلمان بن عبدالعزيز عماد السرحان |
رد: قصيدة بلسان الملك الراحل عبدالله بن عبدالعزيز رحم الله المليك الراحل وحفظ العاهل الحالي |
رد: قصيدة بلسان الملك الراحل عبدالله بن عبدالعزيز ورب البيت ان الدموع تسابقني عند قراءة النص فهو نص صادر من احساس وينضح صدقا وتأثرا وبالتالي وقع تأثيره علينا صح لسانك ملايين |
رد: قصيدة بلسان الملك الراحل عبدالله بن عبدالعزيز الرائع عماد السرحان صح لسانك وأعلى الرحمن شأنك وأجدت وتميزت ِ في روعة بيانك |
رد: قصيدة بلسان الملك الراحل عبدالله بن عبدالعزيز عبدالعزيز الفدغوش اللهم امين دموع الرجال غاليه ياذيبان و ما تنزل الا على شي غالي وبومتعب الله يرحمه غالي عند الجميع اسعدني مرورك وتفاعلك مع نصي المتواضع وصح مرورك و بدنك |
رد: قصيدة بلسان الملك الراحل عبدالله بن عبدالعزيز اقتباس:
رحمه الله رحمة واسعة و ادخله فسيح جناته و موتانا و موتاكم و موتى المسلمين الهم امين صح لسانك و اعتلا شانك نص متميز مني الورد هدية |
رد: قصيدة بلسان الملك الراحل عبدالله بن عبدالعزيز اقتباس:
شاكر لك مرورك و تفاعلك يا بوشادي وصح بدنك ولك مني اجمل تحيه |
رد: قصيدة بلسان الملك الراحل عبدالله بن عبدالعزيز احسن الله عزاؤنا ومثله لاتكفيه كلمات الرثاء ولايكفينا العزاء بفقده رحيله كرحيل الاب والدرع والملاذ احزن الصغير قبل الكبير ولكن ليس لنا على القضاء سلطة وحكم صح نبضك وصح احساسك حروف نابعه من القلب وتقمص مدهش للشخصية والاحساس ابدعت |
| الساعة الآن 08:29 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011