يانار بركـان (الخسارات) شـدي=شدي وزيدي واعتلـي لاتهيـدي

لاتخمـدي لاتهجـدي واستمـدي=قوّ اشتعالـك بانفجـار ٍ شديـدي

تغطرسـي تسلطـي واستـبـدي=وتميزي باّيـات غيظـك وزيـدي

زيدي حمم في ثورتك واجرهـدي=ومن الغضب والغيظ سيدي وميدي

أبدي فضاضـة قوتـك بالتصـدي=للمعترض من صرح حيد ٍ وبيـدي

مدي نفـوذك للمحيطـات مـدي=دام الشموخ وعنفوانـك فريـدي

اطوي شموخٍ شامـخ ٍ مستجـدي=وأضفي شرارك بالوعد والوعيدي

ماللكفاح بجزر الاصـلاح مـدي=ومما دنا من صالي النار صيـدي

ثوري غضب لاترتجـي لاتـردي=لاتسمعـي لاتخضعـي لا تحيـدي

لا ترجعـي لاتشفعـي لاتـمـدي=يد اعتبـارك للطريـد الوحيـدي

تجبـري تكـبـري واسـتـردي=نجم افتخارك من قديـم وجديـدي

تبجحـي تمرجحـي واستـعـدي=لأزهى التحكم في حيـاة العبيـدي

تحكمـي واستحكمـي لا تصـدي=حتى حممك تذيب كـل الجليـدي

في قوّ بركانـك للأقطـار هـدي=وهدي جبـال ٍ راسيـة ماتميـدي

ردي خطر ثورات الاعصـار ردي=وصدي العواصف والبرد والرعيدي

شيلي الرواسي في عتوّك وعـدي=ان كان لك قدرة تفـك الحديـدي

ان استطعتـي بالغـي بالتـعـدي=لين ايتجلـى للحليـم الرصيـدي

حيل الله اقوى من كيانـك ولـدّي=باّيـات تدبيـر القـوي الشديـدي

يبيـد بأمـره قـوة (المستـبـدي)=ويفني الوجود وباقـي ٍ مايبيـدي


سبحان من يقهر قوي التحدي=محيي العظام البالية والهميدي

يبيـد بأمـره قـوة (المستبـدي) = ويفني الوجود وباقـي ٍ مايبيـدي
سبحان من يقهر قـوي التحـدي = محيي العظام الباليـة والهميـدي

سبحانه وتعالى
قادر على كل شئ
ليت الناس يتعظوا ويعلموا ان الله على كلي شئ قدير

صح لسانك استاذنا الكبير
عبدالعزيز


تحياتي
ليان

الرائعة ليان

كسبنا اشراقة مرورك

وبهاء وتميز حضورك