جديدي
اهداء خاص لها
كل ٍ عرفنا ويش طبه والطبيب
و الوحده اللي ما عرفنا طبها
راحت ليالي الوصل وأشواق الحبيب
ذكرى وفي قلبي ترعرع حبها
واليوم مالي لا صحيب ولا قريب
حتى القرابه ذللتني بقربها
واصبحت في دنيا الغرابه كالغريب
يوم ٍ أمدّحها و يوم أسبها
اغضب وانا ما كنت في طبعي غضيب
تبعثرت حتى عجزت أظبها
شيبت في عصر الصبا قبل المشيب
سود الليالي والهبوب تهبها
والحظ مثل الشمس ياتي له مغيب
و إن غاب ما تضوي السروج و شبها
لمن طربت اليوم يالقلب الطريب
بكره تجيك ايام ما تطرب بها
وإليا صفت لك يوم فإشرب يا شريب
قدام بقعا لا تعكر شربها
والناس ما تضمن عدو ٍ من صحيب
حسب المصالح والطمع يلعب بها
حتى عريب الجد من نسل العريب
في المصلحه كل السلوم يكبها
وقت الفراغ مفـوّه ٍ مثل الخطيب
شلفا الذليل يموت ما يضرب بها
واستغفر الله كم فتى ً حفـّـاظ طيب
سوق المراجل بالرصيد يطبها
لمن زهمته قام يقنب كنه ذيب
روس المعالي عادته و ينبها
و يالله طلبتك يا سميع ويا مجيب
في توبة ٍ كل الذنوب تجبها
قلم فهد البدر
`;vn
الإهداءات
ذكرى 
العرض العادي
المواضيع المتشابهه الموضوع: ذكرى 
