أحبتي في ( شبكة الشموخ الأدبية ) يسرني أن أضع بين أيديكم المقابلة( الشعرية)التي أجراها معي استاذنا وشاعرناالكبير/ عبدالعزيز الفدغوش
المشرف على هذا الصرح الأدبي في صفحة سحرالبيان التي يعدها بجريدة الهدف الكويتية العدد رقم 1943 آملاً أن تحوز على اعجابكم مع تحياتي وتقديري لكم ،،
[البطاقة الشخصية :
س /ابااسألك يا طـيّب السـاس بسـلوم= وعـرّف بنفسـك يارفيع المقامي؟
ج/ شـاعر ولي عـدة طموحات وحلوم=والارتقى بالشـعرغاية مرامي
أبعد عن الهفوات به دوم وآ شـوم=وانـ ـأ بنفسي عن دروب الظلامي
*الشعر :
س /الشعر مرأة للاحسـاس معلوم=واوجـز لنا معناه ياابن الكرامي ؟
ج /الشـعـر بحـرٍٍ0والذي يجهل العوم= لا يدخـله يلقى به الموج طامي
كلام له معـنى وتصـوير ورسـوم= وتوحـيد قيفانه ووزنه إلزامي
*بين الماضي والحاضر :
س/ماالفرق بين الشعر بالامس واليوم=من حيث مضـمون ورموز ومرامي؟
ج/ بالامس كم شاعر ترك صيت وعـلوم=واليوم ياكثر الصـور والاسـأمي؟
واكتضـت السـاحه ( بنجمات و نجوم )=لكن عـلى الابـداع إقرْالسـلامي
*معالجة قضايا المجتمع :
س/للشعر دور بخـدمة الحـق مفهوم=وحسـب اعتقادك وش عطا للانامي ؟
ج/الشعر ديوان العرب أمس والـيوم=يرصـد قـضـاياالمجـتمع بإهـتمامي
والشـاعـر الواعي مـكلّف وملـزوم=يشـعِل فتـيل الحرف وقت الصـدامي
*تطوير برامج الشعر :
س/ كل يطالب بالتطور على الدوم=ويش انت شايف للبرامج نظامي ؟
ج/اشـوف انا الشعار فِـ جـدال محموم=كلن عـن السـاحه يذود ويحامي
والظاهر انه حـرص كاذب ومزعـوم=نفس البرامج من ثلاثين عامي
*نقد الشعر :
س/حدد لنوعٍ ٍ بالعلاقات محكوم=بين الشـعر واسـلوب نقد الفهامي ؟•
ج/لن يسـتقيم الشـعر والنقد معدوم=واخـشى يصـيبه في الصميم انفصـامي
وتـبقى العلاقه بـينهم أمر محـسـوم=متأصـله وثابـته عـالدوامي
*السرقات في الادب :
س/سـرْق الادب اصـبح هـدف كل منجوم=كيف العمل من شـان كشـف الحرامي ؟
ج/لاشـك هـذا الفعل بالحـيل مذموم= وأحرص على التوثيق قبل الخصـامي
من أجل يصـبح سارق الشـعر ملطوم=ويمسي وخـشـمه من ردى الفعل دامي
*شعر الغزل :
س/شـعر الغزل مراة واحـسـاس محروم=حدد معك وش دور وقعه تمامي ؟
ج/شـعر الغزل يشـفي مرض كل (مغروم)=ويبقى الهـدف في كل الاحوال سـامي
ماينسي العاشــق ليا صـار مهموم=غـير الكتابه في الغزل بإحـتشـامي
*شعر المرأة :
س/شـعر النسا فيه اكثر القول ملغوم=وش راي شخصـك في كثير السهامي ؟
ج/شـعر النسـاء في بعض الاحيان مظـلوم=كانك تبي رايي وزبـدة كلامي
مازال يتعرض لتشـكيك وهـجـوم=وان كان زعـلن0ماعـليهـن ملامي
صفحات الشعر :
س/صـفحات ادبنا عـرضـةٍ دوم للوم=وش حققت لاجل الادب بالتسـامي ؟
واجـب عـلى المشـرف بمجهوده يْقـوم =ويـنهض بصـفحات الادب للأمامي
يسمو بها صوب الـرقي دوم ويـروم = نحـو العُــلا دايــم بجـد والـتـزامي
*كلمة اخيرة :
س /شـرفتنا واتحـفتنا شـعر منظوم=واذكر مرادك في سـؤال الختامي ؟
ج/رضـاك ياقرمٍ تحـدر من قروم=ولي الشرف بك يابعـيد المرامي
مشـكور يالفدغـوش واسلم لنا دوم=وأقبل تحـياتي وجل احـترامي
-----------------------
مبروك بن ماضي
الإهداءات
{ الشعر ديوان العرب أمس واليوم }>> مقابلة 
العرض العادي
المواضيع المتشابهه الموضوع: { الشعر ديوان العرب أمس واليوم }>> مقابلة 
