شبكة الشموخ الأدبية

ياطير ماترحم عيونن بكت منك
ووقضت بالحونك جروحن قديمه

لو الذي أحزني اليوم ماحزنك
عرفت وش معنا القهر والضليمه

ياطير محدً داخل السجن ساجنك
ابعد عن العالم يامال الغنيمه

ان طحت منت بلاقين من يعونك
الناس صارت من وفاها عديمه

تذكر عذريبك وتنسى محسنك
جريمتن يا كبرها من جريمه

مهما حكو عني ومهما حكوعنك
لا تنزعج أمن الهروج العقيمه

حال الكفؤ ماهو يسرك ويغبنك
معاد آبه للكفو قدرن وقيمه

الوقت عز اللي له افلوس فالبنك
حتا لونه خبل حطه صتيمه

صحيح من لا يعرفك ما يثمنك
يا صاحبن خوتك عندي غنيمه

لك فزعتن تنسيني الهم والضنك
ولك وقفتن تشفي القلوب السقيمه

في ساعتن كلن يبيعك ويرهنك
وفيها النديم ايبيع حتا نديمه

مايلحقك ضيمن مدامه عل ايمنك
في خوته تالقا معزه وشيمه

مثله ليأ منك زبنته يزبنك
ياقف معك لو العواقب وخيمه