شبكة الشموخ الأدبية

السلام عليكم ورحمة الله وبركاته
خربشة من خربشاتي

أعتـذر لـك بيتنــا يــا ريــت تقبــــل إعتـــذاري
جـاك هالمغلوب أمـــره لـــك يقـدم إعتـــــذاره

بيتنا بيت العـــروبة كـــان بك جــــل إعتبــاري
أشهد إنك كنت غالــي وكنت رمز(ن) للحضـارة

آه يا بيت(ن) سكنتك صـرت أنت بكل طــــاري
وداستك رجل(ن) وربي تحتـوي كل القــــذارة

كنت مستور بحشمتك وصـرت هذا اليوم عاري
آآه يــا حســرة عليك بيت مهـدوم(ن) ستــــاره

صرت سلعة بالمزاد وأشتراك أخــــس شاري
يا خسارة رخيص باعو ألف مــــرة يا خسارة

حن سكتــنا بيتـــنا وسكـــوتنا هـــذا جـــباري
ما سكتنا بطيب خاطــر بس مـــن كثر المرارة

أقولها لك غصب عنا ساكتين على اللي جــاري
للفرج حــن ننتــظر والفــرج طــال إنتــــظاره

مثــل غيــري منتــــظر بس طـــــول إنتـظاري
وأقول باكر تنفرج وتسعــــده قلبــي البــشارة

للأسف ما جات باكر وأنــا تايــه فــي ديــاري
مثل شخص(ن) بيتنا عــاش غـربة وسـط داره

والله ما باليـــد حيـــلة مكبـلة يمينــي ويساري
وش تبي من شخص عاد مكبلة يمينه ويساره

ياريت وحدي قيدوني ما سلم من القيد جــاري
حن عرب وطبعنا الجــار ملــزوم(ن) بجـــاره

بس أنا فكيت قيد(ن) لمعصمي بالحيـل هاري
وهــذا أنا سليــت سيفــي للمـــبارز وبشطارة

القلم سيف(ن)أسله وصدق قولي هو شعاري
ومن يصفــي نيتــه ربــي يكــرم بإنتــصــاره

مالي غيرالشعرقوة ياريت ألقى لشعري قاري
واللي ما يفهم كلامي ياريت يفــهم بالاشــارة

وش سلاحي غير شعري ريتهم يقرو أشعاري
علنتها حرب(ن) ضروس أعلنتها بمعنى العبارة

هذا صوتي وأعلنه بكل ربوع الكــون ســـاري
سير يا صوتي وأسري لكل بيــت وكل حــــارة

قولها لأهل العــروبة وبصــراحــة ولا تــواري
بيتــكــم أمــة محمــد بيــت متحطــم جـداره

أعيد لك يابيت قولــي أعيــد لك جـــل أعتذاري
إعتــــذار من المقصــر سيــده أراد إنكســاره

سيدك بيت(ن) سكنته من الوجود ألغى قراري
وللاسف هــو صار مثلي حتـى ما يملـك قراره

ما بقى له أي معنــى ولا بقــى لـه أي طــاري
ولــي زرع يا بيتــنا هــذا هــو يجنــي ثمــاره

للأسف على الحال هذا للأسف هذا لي جاري
هذا هو بيت العروبة الكل يسعى في دمـــاره

الكـل تاهـــوا بيــتنــا وأنـا تايــه فـي مسـاري
كالمسافـــر وسط غابــة تايـه مضيــع مساره

الليل ماني مهتني بــه ولانــي مــرتاح بنــهاري
ومن هو يا بيت العروبه مهتني بليــله ونـهاره

وهذا أنت بيت العروبة صرت في قسم الطواري
والطبيب اللي يداوي فـاشــل(ن) مـالـه مهارة

أصلح الله حالنا جميعا