حلم مدري علم مدري وهم مدري جنون=المهم انه حصل شئ فر الاتجاه
واستدار الفكر والفكر تخلفه الظنون=لين جازف له بهاجوس ملعونًًًًًًًًًًًًًًًِِِِِ ثواه
والمصيبه كل كلمة لها من يسمعون=والصحايف تحوي اللي ًيقولون الرواه
والكلام يجيك من كل شكل وكل لون=والكلام لياصدر جرله هرجن وراه
قلت مدري ادري لكن يكون اللي يكون=والحقيقة كلها منتهى قصة فتاه
بنت بدون جازفت لين لبست بنطلون=واشتكت من ظيق غطوتها ومن ثقل العباه
واطلعت من بيت ابوها الشعر فوق المتون=والملابس تكشف اللي تخفي ماتغطاه
واستهانت راس عودن من اول مايهون=وهدمت صرح المعزه وذلت من بناه
وطعنت في خنجر الغدر واسطت بالطعون=وقتلت خفاق قلبن تربت في فناه
لين راع الطيب من جورها مات مغبون=ونهدم حصن الحماية وجدران النجاه
واصبحت مثل البظاعه يساومها الزبون=والزبون يبيعها لاخذا شئ بغاه
وأنتي أنتي ياحياتي وياشوف العيون=أنتي أغلا كل شي ملكته بالحياه
كيف تقسى ماتمايلت يالدن الغصون=كيف تتجرا على الريح وتعاند هواه
ليه غيرت بطبايعك يالطرف الفتون= وليه لمت اللي يلومك على ترك الوصاه
ولا بكت عيني وهلت لها دمع مخزون= واستمرت بالبكا غير من شى تراه