شبكة الشموخ الأدبية

شبكة الشموخ الأدبية (http://www.alshmo5.com/vb/index.php)
-   منتدى الشعر الشعبي (http://www.alshmo5.com/vb/f7.html)
-   -   دن القلم بالحبر (http://www.alshmo5.com/vb/t59744.html)

كريم العفيدلي 10-27-2019 11:26 PM

دن القلم بالحبر
 
(دن القلم بالحبر) واكتب لأبو گذيلة
أوجاع گلبي على فرگاك بالشيلة
وحات گبر النبي و الراح يمشيله
إنك شريچ العگل يا بن الحمولية
.............................................
إنك شريچ العگل يابو الثنايا اللول
ماشكى منك گصر ولاضج منك طول
ماصار حسنك أبد بالشام و اسطنبول
سبحان من صورك لوحة جمالية
..............................................
سبحان من صورك فتنة تعذب قلوب
عيون يحچن سحر بابل وبيها نذوب
الصدر لمن دلع للنهود گلنا الصوب؟!
چنهن قواذف على سيخوي روسية
..............................................
چنهن قواذف على سيخوي بالغارة
مثل المهيب إن مشى والعسكر استارة
إن چاد عازك وصف يا خوي بي شارة
خدو اجهادي لمع برگ الشمالية
.................................................
خدو اجهادي لمع و الجيد چنو عاج
وجعود فوگ المتن هامت وچنها أمواج
(من جدمك لگصتك) عرش الحلا والتاج
سمعاً وطاعة اخضعت عشاگ صوفية
..................................................
سمعاً وطاعة اخضعت هواك مابو طباب
ياللي وصالك شفا و بعدك بصدري حراب
معقول هذا الفرع رابي بزور الذياب؟!
من زود مابو حلا حط العثث بيّه
.................................................. ..
من زود مابو حلا حط العثث بچلاي
سهمو بگلبي مضى و الروح صارت ناي
أخلف علي العگل و ضيعت منو الراي
صلف و عنيد إن جفا مابو إسلامية

. ...... كريم العفيدلي..........

عبدالعزيز الفدغوش 01-01-2020 01:19 AM

رد: دن القلم بالحبر /مولية فراتية
 
صح لسانك وأعلى الرحمن شأنك


الساعة الآن 11:20 AM.

Powered by vBulletin® Version 3.8.8
Copyright ©2000 - 2024, vBulletin Solutions, Inc.
ظ„ظٹظ†ظƒط§طھ - ط¯ط¹ظ… : SEO by vBSEO 3.5.1 Trans by
Coordination Forum √ 1.0 By: мộнαηηαď © 2011

vEhdaa 1.1 by NLP ©2009