صوت وصدى بين القحطاني والكثيري ؟ يقول الشاعر علي القحطاني نهار الخميس اعصير رأس الجبل عديت=وكثر الذي هيضني الورق بنياحه حياه التعاسة عشتها ياعرب وأبطيت=ولا صدت أنا في دنيتي ساعة الراحه على سب من حبه بقلبي بنا له بيت=أحبه ومن هو حب نود الهوى لاحه أحبه وبين البِيض غيره ولا حبيت=وهو الوحيد اللي بقلبي مسك ساحه ذبحني الهوى والحب ويلاه. .. أنا وأزريت=أفارق طريق الحب وأفارق اجراحه وكان ردي المتواضع على هذا النص الجميل والرائع من الشاعر علي القحطاني هلا ياعلي عد الذي بالورق خطيت=وعدد ماكتب يا طيب الفال بالواحه هلابك عدد منهو نوى جيته للبيت=هلابك عدد ماشفت نوره ومضواحه شكيت الهوى من قبلكم بس ما مليت=وقلبي تعنى والمخاليق مرتاحه على اللي نظرته ياعليت بعد ما مريت=بسوق الحجاز وريحة الطيب فواحه توقفت متحير وياليتني ماجيت=ولاشفت ريم(ن) صوب القلب برماحه تبسم ومد الكف وأنا أيضا لهم مديت=وقلت الرجاء محبوبكم تطلق سراحه وقلت انت نارك في صميم الحشاء شبيت=ولا ترحم القلب الذي زاد بجراحه وقال انت ضيفي مرحبا عدما صليت=تفضل وعدي خذ باله وتفاحه وجاوبته ابشر يوم انا جيت واتعنيت=صلاة العصر بالسوق والناس رواحه زهمته وقلت بخافقي قول وش سويت= بنظرة عيونه خافقي ياملا طاحه جلسنا حوالي ربع ساعه بوسط البيت=وعشنا الهنا والحب والانس والراحه تهولت من زينه ولولا الحيا ناديت=من اللي مثيلي بالهوى كثر صياحه من اللي نظرته كاملاً بالحلا سميت=عون(ن) بها موتي ورمشين ذباحه في الزين مثله يابن قحطان مالاقيت=يحق اننا نعطيه كاسه مع وشاحه ذبحني بنور(ن) ساطع(ن) مشبه(ن) لليت=عطيته فؤادي قلت له هاك مفتاحه من الحب ياخي عدة سنين كم عانيت=ودمعة عيوني فوق الاوجان فضاحه مع الناس كم صيحت بسمه وكم هذريت=هني القلوب اللي من الحب مرتاحه معاه اجمل اللحظات ياصاحبي قضيت=وطفيت لاهوب(ن) تطاردني شباحه وقفى وانا ظليت بعده مثيل الميت=وظلت كفوفه كامل الزين لواحه |
الشاعر الرائع أحمد الكثيري صح الله السانك والسان شاعر الجزيرة علي القحطاني وصوت وصدى في غاية الروعة ومعذرة لتدخلي فقط جاء للتنسيق |
الشاعر القدير أحمد الكثيري صح إلسانك وفكرك وجملت في حرفك وشعرك وصوت وصدى رائعين |
أحب قراءة الشــعر الممــــيز الذي يمثل الســــهل الممتنع ونصك من هذا القبيل لله درك |
صح إلسانك وسلم بنانك ونص أكثر من رائع تسلم أخوي احمد |
الأخ الشاعر احمد الكثيري قصـــــيدة جميله وإحساس رائع صح السانك وعلا قدرك و شانك |
الغالي ابو جلال صح الله السانك واعلى شانك تقبل كل الورد ابو احمد |
قصيدة مميزة وجميلة وحروف ومعاني أصيلة أجدت وأحكمت وأبدعت |
الساعة الآن 05:27 AM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011