لاتجرح احساسه ترى توه صغير=ارفق بحاله وداعبه ببتسامه
الجرح في مثله تري يجرح الغير=جرح تبا تلحقك فيه الملامه
توه صغيريجهل الشر والخير=وان صاح كلاً قال هذاعلامه
مثله مثل زرعٍ عنه جفت البير=لاجف مىء البير وابدا انصرامه
حتى النظر في مثل سنه اله تاثير=لاتنظره نظره تبين انهزامه
ناظر بعينه للنظرفيه تعبير=تلقي لبراته في عيونه علامه
خلك علي مثله مثل سالم الزير=اللي يضحي لأجل عين اليمامه
خله يحس ان له شيمه وتقدير=وخله يحس انه رفيعاً مقامه
وادخل على الله لايج منك تقصير=لوراح منك ولاتحقق مرامه
وخلك محل ابوه واذكرويش يصير=لا لاجبه جرح وتكدر منامه
والله لتجعل عسر الايام تيسير=وليا هرج ماتقاطعه في كلامه