حسبتك يوم تسمعني تقول انه عتاب احباب=وانااللي احسبك تفهم كثيراللي بمعانيها
رجيتك يالغلا تكفى, تعاتبني بدون اغياب=وكلمة من بدون شعور رجاويه تعديها
حبيبي يابعد عمري احبك والهوى غلاب=غلبني الشوق بغيابك وجيت اتبع خطاويها
اموت بنظرتك واعشق شعورٍ داخلي ينساب=خذتني نظرة اعيونك ,تراني ضعت انافيها
واذا عاتبت من حقي مدام ان الخفوق انصاب=الا ياليت تفهمني ماكان القلب ناويها
انامدري من المخطي ومدري من يزيد اسباب= يجوز البعد عذبني وكم عبره اببكيها
بعادك صاريسكني مدينه كشرة بنياب=مدينه شاحبه بعدك بلا نورن بيضويها
مدينه تسكن اوجاعي وسكاني من الاغراب=مدينه تنتظر رجعة حبيبٍ كان محييها
غريبه كيف ماتدري غلاك ابداخلي ماغاب,!=وانااللي خابره ودك غرامي كان يرضيها
لمحتك صدفه ابدربي ,وصارت صدفتك اعجاب= على ذاك الطريق الي غرامي مبتدي فيها
اناادري فيك تعشقني وظني فيك ابدماخاب=شعورٍك داعب احساسي وشتتني ضواحيها
عرفت ان الغرام اللي بكى من دمعة الاهداب=بكت جمر المشاعر ,!والمشاعر وش يهديها,!
دخيلك لاتعذبني ترى الدمعه علي ابواب=بتتعبني, وبتعبها ,وتدنيني ,,وابدنيها ..!
وابنهي قصتي معها علي ذكرى عتاب احباب=يطول الوقت او يقصر مع اللحظااات نطويها

الغااليه كبريا صح كلك لاهنتي اسعدني مرورك

امتناني لكي مع التحيه

شموووخ