شبكة الشموخ الأدبية

شبكة الشموخ الأدبية (http://www.alshmo5.com/vb/index.php)
-   منتدى التراث والمنقول (http://www.alshmo5.com/vb/f10.html)
-   -   من روائع الشعر النبطي يقول من عدى على راس عالي قصيدة للشاعر محمد السديري (http://www.alshmo5.com/vb/t7067.html)

alshmo5 12-07-2010 03:55 AM

من روائع الشعر النبطي يقول من عدى على راس عالي قصيدة للشاعر محمد السديري
 
السلام عليكم ورحمة الله وبركاته

- من روائع الشعر النبطي
- يقول من عدى على راس عالي
- قصيدة للشاعر محمد السديري



يقول من عدا على راس عالي=رجم طويـل يدهلـه كـل قرنـاس
في راس مرجوم عسير المنالي = تلعب به الارياح مع كـل نسنـاس
في مهمه قفر منى الناس خالي = يشتاق له من حس بالقلب هوجاس
قعدت في راسه وحيد لحالي = براس الطويـل ملابقـه تقـل حـراس
متذكر في مرقبي وش غدالي = وصفقت بالكفين يـاس علـى يـاس
أخذتاعد ايامهـا والليالـي=دنيـا تقلـب مـا عرفنـا لهـا قيـاس
كم فرقت ما بين غالي وغالي=لو شفت منها ربح ترجـع للافـلاس
ياما هفابه من رجال مدالي=ما كنهم ركبـوا علـى قـب الافـراس
ولا قلطوهن للكمين الموالي= ولا صار فوق ظهورهن قطف الانفاس
ولا رددوا صم الرمك للتوالي=كل يبي مـن زايـد الفعـل نومـاس
من بينهم سمر القنا والسلالي = مثل البـروق برايـح ليلـه ادمـاس
يقطعك دنيا ما لها اول وتالي = لو اضحكت للغبن تقـرع بالاجـراس
المستريح اللي من العقل خالي = ما هو بلجات الهواجيـس غطـاس
ما هوب مثلي مشكلاته جلالي=أزريت اسجلهـن بحبـر وقرطـاس
حملي ثقيل وشايله باحتمالي = واصبر على مـر الليالـي والاتعـاس
وارسي كما ترسي رواسي الجبالي = ولا يشتكي ضلع عليه القدم داس
يا بجاد شب النار وادن الدلالي=واحمس لنا يا بجاد ما يقعد الـراس
ودقه بنجر يا ظريف العيالي=يجذب لنا ربـع علـى اكـوار جـلاس
وزله الى منه رقد كل سالي=وخلـه يفـوح وقنـن الهيـل بقيـاس
وصبه ومده ياكريم السبالي = يبعد همومـي يـوم اشمـه بالانفـاس
فنجال يغدي ما تصور ببالي = وروابع تضرب بها اخمـاس واسـداس
لا خاب ظني بالرفيق الموالي = مالي مشاريـه علـى نايـد النـاس
لعل قصر ما يجيله اظلالـي = ينهـد مـن عالـي مبانيـه للسـاس
لا صار ما هو مدهل للرجالي=وملجا لمن هو يشكي الظيم والبـاس
بحسنا يا منشي حقوق الخيالي = يا خالق اجناس ويا مفنـي اجنـاس
تجعل مقره دارس العهد بالي = صحصاح دو دارس مـا بـه اونـاس
البوم في تالي هدامه يلالي = جزاك يا قصـر الخنـا وكـر الادنـاس
متى تربع دارنا والمفالي = وتخضر فياض عقـب مـا هيـب يبـاس
نشوف فيها الديدحان متوالي = مثل الرعاف بخصر مدقوق الالعـاس
وينثر على البيداء سوات الزوالي =يشرق حماره شرقة الصبغ بالكاس
وتكبر دفوف معبسات الشمالي = ويبني عليهن الشحم مثـل الطعـاس

عهود المحبه 12-07-2010 08:12 AM

رد: من روائع الشعر النبطي يقول من عدى على راس عالي قصيدة للشاعر محمد السديري
 
الشموخ

قصيدة رائعه

ومن القصائد الجميلة التي سبق ومرت وعلي

سلمت اناملك على نقلها

تحيتي لك

ذكرى الغالي 12-07-2010 10:07 AM

رد: من روائع الشعر النبطي يقول من عدى على راس عالي قصيدة للشاعر محمد السديري
 
صح لسان الشاعر
سلمت يداك وذوقك الرفيع
كل الود
ذكرى الغالي

عبدالعزيز الفدغوش 12-11-2010 05:58 PM

رد: من روائع الشعر النبطي يقول من عدى على راس عالي قصيدة للشاعر محمد السديري
 
نص خالد ورائع واختيار موفق

وصح الله السان الأمير محمد السديري

فيلسوف الكويت 12-15-2010 05:26 AM

رد: من روائع الشعر النبطي يقول من عدى على راس عالي قصيدة للشاعر محمد السديري
 


الشموخ


مجهود يستحق الثناء والتقدير

دمت متألقا ... مبدعا ... على الدوام

تقبل مني أغلى تحية .... فيلسوف الكويت






الساعة الآن 03:43 AM.

Powered by vBulletin® Version 3.8.8
Copyright ©2000 - 2024, vBulletin Solutions, Inc.
ظ„ظٹظ†ظƒط§طھ - ط¯ط¹ظ… : SEO by vBSEO 3.5.1 Trans by
Coordination Forum √ 1.0 By: мộнαηηαď © 2011

vEhdaa 1.1 by NLP ©2009