شبكة الشموخ الأدبية - إنسان غير لمريم الزعبي

شبكة الشموخ الأدبية (http://www.alshmo5.com/vb/index.php)

- منتدى التراث والمنقول (http://www.alshmo5.com/vb/f10.html)

- - إنسان غير لمريم الزعبي (http://www.alshmo5.com/vb/t7260.html)

إنسان غير لمريم الزعبي

إنسان غير لمريم الزعبي

المميزة جدا... مريم الزعبي ونص يخيط من الشعر الاعذب رداء،

لمساء محملا بكل ما هو استثنائي وتغريد خارج السرب،

وعلامة مميزة في رحلة الشعر النسائي...!

جيتني من فصول الحر والزمهرير
والتقينا تحت عرش الفرح والحزن

كنت احسب الهوى كاذب وعمره قصير
لين شفتك بنيت بداخلك لي وطن

كنت اردد وراهم حب؟ لا مايصير
لين كف المشاعر هزّ غصن الجفن

انتشيت وتعافى كل حسٍ ضرير
والفرح صار يبني في خفوقي مدن

وصرت احس بوجودي وان غفيت استثير
كل حلمٍ يراود في منامي حضن

في وصالك جبرت إحساس قلبٍ كسير
كل ما تنبت أوراقه يطيح الغصن

اجتمع طيش طفل وعشق أنثى تغير
لو تجيب العذارى سيرة اسمك تجنّ

قلت لي لحظة الاشواق وشلون اطير
واسرج رياح وقتي والأماني رسن

ومعك شفت الحزن وشلون يصبح اسير
وكيف احطّم قيودي لاحتواني سجن

وانت علّمك قلبي كيف تعطي بضمير
ياحبيبي جزاك القلب جنّة عدن

لا تصافحك غربة ولا يمسّك هجير
ولك خلود المشاعر مايصيبك وهن

راح تبقى بخافق مريم انسان غير
لو تدور الليالي أو يجور الزمن

وان تمادت فصول الحرّ والزمهرير
نخترع فصل خامس ما بجوّه حزن.!