إسمحوا لي أكتب ممّا بدا لي = شعور ٍ فاض من عميقات الآحساس
شخصية ٍ فذّه لها القدْر عالي=هي قدوة ٍ لي في حياتي ونبراس
لها المودّه مسلك ٍ في توالي=ولها الزعامه فاقت بْكل مقياس
نوف الخليفه يا فداها الغوالي =اللي لها روعه ولين ٍ مع البآس
حازت على المحبّه في كل حالي= وكل ٍ يقدّمها على معظم الناس
مثل القمر تنْوِر عتوم الليالي=درةْ فكر ناصع ومبني على ساس
لها المعزّه في عموم المجالي=رفيعةْ ذوق ورافعه للغلا رآس
وْلها التفاني واصل ٍ للكمالي=تعطف علينا حتى والحال منحاس
يا زين فصلها في وقت الجدالي=تعطيك حقك دون نقص ٍ ولا آبخاس
ويزيد فضلها ولا هو بْزوالي=والنعمه تِحفظ بالشكر دون الآفلاس
ما ترتضي بالضّيم والا العطالي=تصفح عن المخطي رغم أنف خنّاس
أم الكرم والجود والصيت عالي=والقلب أبيض ما تدنّس بالآدناس
والبيت عامر ٍ ولاهو بخالي=أم الجميع وللوصل خير مغراس
أصيله والأصل بريقه يلآلي=ذَهَبْ معدنها ماهو من معدن نْحاس
نشميّة ٍ مابين عم ٍ وخالي =وعنها الردى يبعِد ولا تقرب آنجاس
هي عزوة ٍ للجار وعز المنالي= لي قربها مكسب وفخر ٍ ونوماس
هي شمسنا هي ظلنا وشخص غالي= وهي الحنان الضافي بْكامل احساس
يا زين معشرها هو حظي وفالي=محبة ٍ لله على القلب ترباس
أغليها ومن غلاها ماني بجالي= يا حيّ يا قيّوم تزوّد لها آنفاس
لها روح ٍ تملّكتني بْجمالي=ولها خفوق ٍ طيّب ٍ حيل حسّاس
يرخص لها حالي ومالي وعيالي =حيث انّها أغلى من الدّر والماس
لله درّها هي آخت الرجالي=تسوىَ قبيله لا جْلسَتْ عند جِلاّس
يا الله تحفظها من شرور الهوالي=وتضفي عليها الصحّه ثوب ٍ مع لْباس
ومهما شرحت مْقَصّر ٍ في مقالي= إحساس صادق سِطّرْ بْصدر قرطاس
ْوصلاة ربي ذو الفضِل والجلالي=على نبيّ الآمّه ما هب نسناس

جوهر الراوي
http://www.la7n-kh.com/4images/data/...ils/10/www.gif

صح لسانك ولا هنت ابيات في منتهى الرووووعه
تقدير واحترامي