شبكة الشموخ الأدبية

انا ما ني معك ناوي جدال وما معــي لك ثار

......... أبي أرحل وأخلي لك قمر ها الليل ونجـــومه

أنا اللي مر به وصلك مجرد ضحك واستهتار

.......... لقا ما له من المشوار غير الحزن مقسـومه

أنا نفسٍ قتلك الحظ فيها قوة الإصــرار

............. أنا شخصٍ خذاه الدرب رده عاكس هدومـه

تبعثرني وتجمعني السوالف بينها وأحتـار

..............وأحس إني مثل طفلٍ فقد علمه ومفهــومه

وقررت أنتهي وأنهي طريقي فايدة وأضـرار

........وأبيعه وأحرق اللي عاد له عندي من علـــومه

ترى والله لو أدري الحسايف تمنع الأقـــدار

............سكت وما تحسفت ورضيت البعد وهمـومه

وعقب الصد ما لي في معاناة أسود التذكـار

.............. وما لي بالمقفي ليه أنا أعاتبه وألومــه

خلاص انسى ولا تتعب غددت بأرزاقها الأطيار

..........عزاي إن ما ني أول قلب يفقد أجمل حـلومه

بقلمي سالم الصقور