شبكة الشموخ الأدبية - (( روزنامـة الاشــواق ))

مـــدّت فراقــك كنــها مـــدّت البــــرد
بشويــش تلفحنـي وبشويش تجــرح
**
مافيه داعي اسهب الهرج والســرد
لاصار مابه شــي يبــهــج ويفــرح
**
اشرب فناجيلك جـفـا واهـــدي الـورد
وانثر عبـيـر الحـب فـي كــل مطـرح
**
اتصدقـي حتى تـرى ابياتــي الشــرد
صارت لسيـرة جرحـي اليوم مسرح
**
يكفي زرعت الـورد فـ ايامك الجــرد
وانتــي تركتيني للأحـزان مـ ابــرح
**
رحتي ماكنك غير من يلعب النــرد
طشيتي الاحـــلام والبعــد يســرح
**
نورك خفت والنوم طوّل به الحرد
في سكة الهجران يشرح ويشـرح
**
جدّلـتـي احلامــي وقمتي لها صرد
والجرح مع فرقاك يسرح ويمــرح
**
روزنامة الاشواق بعــدك بلا ورد
مكتوب فيها الفقد للجرح يطـرح
**
شعر محبكم / متعب آل حشيان الروقي