شبكة الشموخ الأدبية

أحبائي
سقطت سهواً .. العذر والسموحه
أتمنى ان لاتكون ثقيله على افئدتكم

مدخل
أنا ماجيت أدور من وراء الاشعار لي جمهور
أنا لا أملك تصاميم رائعة ولا أخراج جميل
ولكن ان شاء الله أنا أملك كلمة صادقة
انشرها في موقع أراه يؤصل ديموقراطية الكلمة المسئولة
وحرية الرأي الراقي وهذا مالمسته هاهنا

بسم الله أبدأ

ألا ياللي رميتوا رميةٍ تصعب على الرامي
سهوم ٍ من بيوت القاف مختارات و مْـنقــَّـاه

حَـوَت من نغمة الاشعار بين إظهار وإدغامي
يغني مع لحنها ساجع القمري مع الورقاه

بعد ماجاني التصريح من مندوبك السّـامي
على ردي .. عسى ردي يناوش غايته ومناه

شكيتوا واشتكيتوا من عنا دولاب الايامي
ولا كل ٍ تبي تبدي له الشكوى ولا المشكاه

يا كود اللي يحفظ من الشـيَـم عادات واحكامي
يبادلك الصراحه لا عنيت وجيت له تنصاه

زمانك لو صفا لك واجتباك اليوم ما دامي
ولو يقبل سريعه خطوته لـَ اقفى يحسب خطاه

ليالينا تمنــّـينا على صفحات الاحلامي
تعـشــِّـمنا سرابٍ زامي ٍ في يابس المضماه

ترى دنياك هذي يالبيب أرزاق واقسامي
نصيبك لو تمادت غيبته لابد ما تلقاه

وجفنك لا تفيـِّـض دمعه لعاذل ولـوَّامي
يلبسك الملامه لو صفا لك قوله و معناه

دموع اهل الكرامه ما حشمها غير الاكرامي
على شيمة وقيمة بيت عز ٍ ناهض ٍ مبناه

ولا تلقى مكاسب تجرتك مع كل سوَّامي
ولو له جوخة التاجر و زي ٍ زاهي ٍ ترضاه

لقيت الناس من ماضي العصور الفوت ظلاّمي
حظيظ اللي نجا من ظلمهم يا الله بالمنجاه

ومن دون الوفا حالت ظلوم ٍ بحرها طامي
غمرني والتماني راس رجم ٍ ما قدرت أرقاه

نسايرها بحاضرها .. حقايقها والاوهامي
لعل الله يدبر حيرة المبلي ولا يقصاه

عسى تسفر لك ايامك وتجلي ليل الاظلامي
وتقبل لك مقابيل الليالي كيف ما تهواه

مخرج

President Zain Al Abdeen Bin Ali understood his nation very late

President Hosni Mubarak understood his nation very late

And I did understand my personal destiny extremely late
But it is never too late as I can still reform my life toward a better destiny

Adel