حبيبة روحي في قلبي لها الاشواق مجتاحه=لها نبض ٍ يثير الشوق يشد الشوف والأسماع
لهـا بسمـه لهـا رسمـه لهـا نغمـات صدّاحـه=تباري روعة العشاق يـا كثـر اللـي بهـا طمّـاع
ترفع قرب تنصـب حب واللوعات جمّاحـه=لها طلاّتْ تبهرني بلا أنصـاف ولا أربـاع
معاني حسنها بحر ٍ به الأنظار سبّاحـه=تغوص بأعمـق الأعمـاق تقطـف درهـا إبـداع
لها وهـج ٍ يتل القلب فطينـه حيـل لمّاحـه=لها نظره كمـا المهـره أصيلـه وْليّنـة أطـبـاع
يعانـق نحرهـا ميـزان تمشـي ومشيهـا بْراحـه=همس ٍ يغري الإحساس يرقص لـه حبيـس أضـلاع
ولمّا زولهـا يِقْبِـل كأن الشمـس صبّـاحـه=تشع بنورها الباهر وتضوي كافة الأصقاع
لها مجد ٍ تلا لـه مجـدْ وَرْثَـتْ أروع وْشاحـه=وريثة عـز ٍ وأخلاق ومـاض ٍ أبيـض ٍ نصّـاع
ألا يازين شعر الوجد والنبرات ذبّاحه= ونبض القاف لمّا طاف بأقصـى قـاع بالإجمـاع
ألا يـا شعـر لـو تسمـح تزيـد لقلبـي أفراحـه=تسكن في سما الوجـدان وتبقـى لأمرهـا منصـاع
تراها خيـر ولـي ٍ لـك طبيبة قلب جرّاحـه=تِداوي جْروحك وْتِبْـري عِلِلْـكْ وْكِـْل هالأوجـاع
ويرجـع للغلا هيبـه لْيا لاحـت لها لاحـه=ترى زاهي لها حرف ٍ نذر عمره لها خضّـاع
هذا شعري وشْعوري وبآسبابه جت الراحه=نبضي وغزْل احساسي وِحب ٍ ماهو بْخدّاع
وندى قلبي تصوغ الحرف تصون الحب نضّاحه=وحرفي باذل ٍ جهده لأجـل يصبـح لهـا مطـواع
هذا وخيـر مسـك القـول زهـرة طيـب فوّاحـه=صلاة الله على المبعوث هنيّاله من له طاع
:
جوهر الراوي
الإهداءات
أيقونة الحبيب ...!!! 
العرض العادي
المواضيع المتشابهه الموضوع: أيقونة الحبيب ...!!! 
