يا خلايق

يا خلايق حبيبي ويش اسوي معـاه=ماخذ القلب مني ملئ يده خضـوع
صار قلبي مريض وزاد عمري شقاه=لين صارت حياتي بين الاحزان طوع
ما يريد التواصل ميـر زاد بجفـاه=والمواصل ينادي يا ملا لي سمـوع
اسمعوا يا خلايق .. خبروني بـلاه=لجله القلب يبكي من فراقه دمـوع
قلت احبه عيوني ما تناظـر سـواه=لا تعذلون قلبي دام راضـي قنـوع
والله انه نصيبي والرضا في هـواه=قابلن به ولو هو في وصالي منوع
بالمحبه قليبي مـا تحقـق شفـاه=والشفا عند خلي والرجاوي رجـوع
قلبي العاشق المسكيـن هـذا دواه=رغم بعده حبيبي ما يريـد القطـوع
يا خلايق ترا قلبـي يـدوّر رضـاه=واشهدوا له مكانه في حنايا الضلوع
لجله القلب نادى قلت مالـي غنـاه=هو حياتي وروحي والغلا والشموع