◦˚ஐ وش يقــول الشوق بعــروقــك هــذي اللحــظة ◦˚ஐ
 

يقول الشوق بعروقي اعشقك

يقول الشوق بعروقي .........ينقصنى حنانك

يقول الشوق بعروقي اموت فيك

يقول الشوق بعروقي .........أنتظرتك

يقول الشوق بعروقي وانا ادرى وابخص فيه

لا يطول غيابك ثم اخذ عليه

لو تخليت عني عنك قلبي تخلى

العذر والتعلل والحكي ما نبيه

من تحرك فواده بالهوى ما تغلى

طبعي الصبر لكن وش عليه ارتجيه

من طويل الصبر يعقوب وايوب ملا

دامني حي عطني وش بقى نحتريه

ما بي دموعك اللي عقب موتي تهلا

ما بقى بالعمر مقدار ما راح فيه

كل ما زل يوم يوم بالعمر ولى

ما يعرف الجمر مثل الذي يكتويه

احد يدفا بناره واحد فيه يتصلى

يا من القلب حطيته براحة يديه

ما رضى له مكان غير كفك محلا

كم تعذر وعيا عن هوى مهتويه

لين طاح بيمينك بالغرام وتجلى فيه

دايم السيف