شبكة الشموخ الأدبية - صوت وصدى الدواسر

مدخل: توثيقا للتاريخ هذا شعر اصيل بين الدواسر
يفقهه من يفقه الشعر.....

صوت الشاعر الرائع سعد الودعاني

سلام يا رجل الكرم و المروه
يا أبوحسن يا طيب الراس و الساس

أعداد ماوبل الحيا هل نوه
وما بانت القمرا وما هب نسناس

سلام طازج توه الحين توه
من شاعرن عنده يواقيت وألماس

أخوه يمدح فيك واجد بقوه
ويقول أبوحسن ماهو راس جبهة راس

وختامها عن راويه لو أنوه
الظاهر أنك أتحب والقلب حساس

صدى عادل الدوسري

يا مرحبا ترحيب حيّه و قـوّه
باللي خذا في جولة الشعر مرواس

بالشاعر اللي شب ناره و ضوّه
وفي ساحة الميدان دقيت الاجراس

كل ٍ على ما قيل نعطيه جـوّه
وبنك الذهب ماهوب معلن بالإفلاس

وحنا عرب ندرى الخوي والعـنـوّه
والهرج بين الناس ميزان و قياس

وانتوا على النوماس رفقه و خـوّه
جمعة بني عمي هل الكيد والباس

والفرخ صفّـة ريش وإلا فـتـوّه
وإلا ترى المقناص بندق وقرناس

هذا الصحيح وما طرا لك فـ سوّه
والناس يا ابن العم ميزات وأجناس

وأشكرك يا راعي الوفا والمروّه
من لابة ٍ عـدّت على كل نوماس

مخرج:
مثل ماقال الشاعر راكان بن حثلين...الفرخ لا يغويك في صفة الريش..
طير الحباري يا أريش العين قرناس...
ومثل ما أنا اقول ......مانيب من ياتي على صدفه و يمكن تصدفه...
أما دسَم وإلا سمَح من مَــدّة الكف الكريم...

تحيات الدواسر