ياسيدي يامدلـل بيـن أمـك وأبـوك=ياسيدي يوم شفتك رحت كلـي هـوئ
مالومهـم ياطويـل العمـر لا دللـوك=لنك جميل الخصايل يبو طرفن حـوئ
القلب والعين تنزف دم يـوم انقلـوك=اصيح واركض مع الحـاره ادور روئ
الله لايـرزق اللـي انقلـوك التبـوك=وخلوني أعيش وحدي دون زاد و دوئ
خطبت عشريـن مـره مار ماعلمـوك=وأبوك لني خطبتك قـال مالـك لـوئ
ياسيدي جهتك بعمك وخالـك وأخـوك=زعلان لني أبرسلك بطاقـة سـوئ
ماني منقص بقـدرك ليتهـم خبـروك=عيشتك ندريبها والله علـئ مستـوئ
الذيب لاشاف ذيبه مايصـك الحنـوك=يعوي ولاكن انا أدري أي عويه عوئ
عوية جريحن رموه البدو وسط الشبوك=بديار حرب العزيزه في عيون الجـوئ
وألا كما صيحة اللي صوبـوه الفـروك=في ديرة اعيال وايل عند غار الشـوئ
مجبور أحبك مثل حب الغنـي للبنـوك=بخيل لوهو ملـك البنـك والمحتـوئ
ياورد ياورد يللي فيك مخلـوق شـوك=ياورد أبا اسقيك من دمي بعرق النوئ

الشاعر القدير

عويد بن عكرش

صح إلسانك و فكرك

وجملت في حرفك وشعرك