كمّ لي جيتك وانا دمعي يسيح =وانت ما همّك فوادي مع هواي
لين ما عيني غدت ماها شحيح=جيتلك عاشق و تعزفني بناي
كان كل قصدي ابين لك و ابيح=انك اشواقي و تملك محتواي
جيتلك قاصد رضاك .. آوقف واطيح=عند بابك لين موتني ظماي
ما هقيتك راعي الصوت الفحيح=بعد ما تلدغ تعزّم في جفاي
ليه تجفي ؟ ليه ؟ يعني مستريح=او عشانك خابر ٍ وصلك دواي
وين حكيك عن حياتي ما تزيح=وين ما تقدر تبعّد عن دفاي
كلّ حكيك ضايع ٍفي وسط ريح =وانا في وسط الملا عايش سواي
في زمنــّا يصبح الوافي يصيح=واكتشفت ان ّ اكبر عيوبي وفاي
أحلف برب النبي عيسى المسيح=عافك الخاطر ولاني لك بجاي
قلتها وانا لي لسان ٍ فصيح=ضيعتك فيني و انا واسع مداي
مارضيت الذل لو قلبي سميح=لو حكو عني ترى بعده عزاي
بالعزم حزمت وجداني صريح=يوم حسيتك تحطـّم في قواي
العقل..والشوق..والعشق القريح=والسموحه..و الزعل..شفهم معاي
تارك الماضي ورا ظهري جريح=قلتله روّح و خليته وراي
رحـت مـاشـي تـارك ٍ قـلـبـي طريح=عـزتـي نـفـسـي ولـو عشقي بلاي
غبت عن دنياك ثم جيت و تليح=عن مدى عشقي و تحكي عن سماي
جيتني خاسر و انا عطفي كسيح=لا تعذّر لا تحاول في رجاي
ناوي ٍ ترضي شموخي فالضريح=فرصتك تستنتج فصمتي رضاي