ببكي غياب البرد لي عدة فصول
يالين يحيى خافقي مع ايابه


يازين شب النار مع قصة الغول
في ليل ممطر من تراكم سحابه


ويازين صبحه واخضر العود مبلول
انا اشهد الايام ماهي تشابه


اسج رجلي فيه لو كنت مشغول
اما مع صدقان ولا قرابه


وارسم به الاحلام وانظم به اللول
حتى القلم بالبرد يهوى الكتابه


فيه الحزن والهم منسي ومفصول
يوم الفرح بالبرد اسبل ثيابه


وفي غيبته كني عن الكون معزول
واشوف بعض الناس فيهم غرابه


ولا عاد نسمع طاري امطار وسيول
حتى الوطى بالقيض يكثر سرابه


ولو هي بيدي كان يبقى على طول
مادام قلبي تو بأول شبابه


وهذي الحقيقه يالشتا كان بقول
لو كان بعض القول محدٍ درابه


برثي غيابك يالشتا عدة فصول
يومٍ جو القيض كشر بنابه


وسلامتكم