|
رد: ديوان الشاعرة أحلام مؤجلة ؟ مبدعه يابنت وايل وصح لسانك مليوووون |
رد: ديوان الشاعرة أحلام مؤجلة ؟ شكرآ ابو تركي وماعليك زووود والنعم بك وبالجميع تشرفت بمرورك الطيب .. عسا عمرك طويل دعواتي |
صديقتي .. انا الاوفى ولو بعتي أنـا مابيع أو خنتي انا ماخـون ..................... أصيلة والطبع فيني أسامح وأغفر الزلّـه وإذا جرح الجفا يكبر اقول أحبابي يمونـون ...................... من اللي ماغلط واخطا وبكره قلبه يدلّـه قضينا عمرنا أصحـاب غريبـة نفترق وتهـون ..................... سنين العشرة يتغير فؤادك والوفا يملّـه تغيرتي ونسيتيني طبيعي .. والبشر ينسـون .................... طبيعي تاخذك دنياك .. لدنيا الفرح والفَلّـه شهر واثنين أو أكثر .. يغيب الناس ويـردون .................... غريبة وأنتي قبالي ... تغيبين العمر كلّـه غريبه كيف بعض الناس من بعد الوفا ينسـون ................. غريبة صاحبي الغالي بظهري .. سيفه يسلّـه أنا مـ اشره على الأغراب لو خانوا ولو يقفـون .................... أنا اشره على الصاحب يخون العهد ويحلّـه من اللي باع أحبـابه رخيـص وعنـده يهونـون ................... إذا دار الزمن واحتاج صاحب بالبشر من لّـه من اللي قال لك ان الزمن دايم كذا مضمـون ................. من اللي مـ أنجرح أو عاش عمره دمعه يهلّـه انـا ماجيتك اتـرجا ولو كنت بيدك مطعـون .. ................. لأني الأوفى ... والأوفى كريم ويغفر الزلّـه احـ مؤجلة ـلام |
هنياااااله ... هنياااااااااله كنت أراه كلما ارتفع صوت ألآذان يجر خطاه إلى مسجد الحي,,,, ويعود كما أتى هادئآ مسبحآ قانعآ حتى جاء ذاك الفجر انتظرت سماع طرق عكازه على الرصيف ولكنه غاب عن طريقه المعتاد ولم ولن يغيب عن بالي أبدآ حكاية حدثت لشخص لاأعرفه إلا بالشكل ولكنها حفرت داخلي أثرآ كبيرآ http://store2.up-00.com/2015-02/1425174506081.jpeg حمل همه سنين عجاف وأثقالٍ حنت ظهره وعلى عكازته أركى ضعف يدّيه ومتونــه رنا بعيون شح بها النظر وتعوّدت قصــره رحل عنها الضيا مبطي ولا عادن يعينونه نثر بأصابعٍ جفّت بياض العمر من شعــره مسح بأطراف أكمامه سواد مسوّر جفونه رفع كفه بجوف الليل يدعي ويطلب ويشره إلهي ,,,,لاتذرني فرد أهله ما يودّونــــه إلهي جنتك ارجي وولد صالح أبي بـــرّه إلهي برحمتك ألجي من الاقدار وطعونه خطا للمسجد يلبي ندا من يبتغي ستـــره ألا طوبــــى لمن قاموا إذا نادى يلبّونــه وقف وإيديه مرتعشه ومتعلقه على صدره ركـــع وخشوعه يسابق ملايكةٍ يحفّونـــه سجد والناس محتاره غريبٍ يا بشر أمره سجوده طـــوّل وأبطوا ينادونه , ينادونــه ولكن لايرد الصــوت أو تهتز به شعــره !! ما غير النور في وجهٍ تجعّد وانخطف لونه على سجادته سلّم أمانــه شالها عمـــره تعب في حملها وحده بلا نصره ولا عونه بكاه المسجد وأصحاب مازاروا سوى قبره ولاحسّوا وجوده يــوم لو كانوا يشوفونـــه تنادوا كلهم سبحـــان ربٍ قـد قضـى أمـــره هنيــاله ,هنيـــــاله !! على موته يحسدونــه دعواتكم لي وله |
رد: ديوان الشاعرة أحلام مؤجلة ؟ http://www.m5zn.com/newuploads/2013/...d11083c35f.jpg ننادي بالدجا ياالله شام العزّ موجوعه . . . . . . . . . . . مدد ياخالق الاكوان.. مايبعد ولايبطي تراب الشام يتخالط دما الاطفال بدموعه . . . . . . . . . ويد الاقدار تقطفهم على غفلة ولاتخطي مدد يالله .. مدد عاجل مدد بآمين متبوعة . . . . . مطر سجيل من عندك على الظالم على المخطي علام الهم يطحنهم سنينٍ ماقضا جوعه . . . . . . . . . . . . علام الموت ياخذهم برجلينه ولا يعطي وطن لو ضاقت الدنيا فتح للعالم ضلوعه . . . . . . . . . . فرش صدره لجيرانه بلا خيمة ولاشرطي وطن لو جفت انهار الكرم ماشحّ ينبوعه . . . . . . . . . ولا نادى بوقت الضيم .. يانفسي ، ويانفطي نبت في خاصرة صهيون شوكة حق مزروعه .. . . . . . . . . . . . أبد ما فرّق الأديان ذا مسلم وذا قبطي وقف في صدر ليل الظلم صامد يشعل شموعه . . . . . . . . . . . أبد ماهان لو سيف الغدرْ يتجبّر ويسطي خذله الكل يوم الذل خيم في حما ربوعه . . . . . . . . . . . . . . . لجأ لله ماغيره لجأ للرازق المعطي ياشام النور ياقلب العروبة ان مستّك لوعه . . . . . . . . . . . . تمسّ قلوبنا قبلك وهذا العهد من مبطي عدو الله والاسلام بان اليوم مشروعه . . . . . . . . . . . . وعَد منّا على ترابك بأقدامه فلا يخْطي أحلام 14/ 9 / 2013 |
لو اكتب اسمك على الصفحات
|
رسالة الى الضمير الحي أمانه يالضمير الحي تزور الناس في غزه ………..………. تبلغهم على لسان العرب sorry خذلناكم ترانا لو بنا نخوة … وبنا ذرة من العـزّه …………………. جمعنا رجالنا وجينا الى الاقصى وزبناكم لنا اهواء تحكمنـا وضمايـر مالهـا فـزّه …………………. تعودنا الشجب والنوح فوق قبور موتاكم عبث اشلاءكم تقدر تمسّ شعورنا تهزّه …………………… صوركم تترس الشاشات ونردد فديناكم سوالف ليل ياغزة … نرددها بكل حـزّه …………………… متى صار الحكي ينفع تحركنا ونصرناكم يهود انجاس من صهيون بارض النور مرتزة ……………………. تدنس قبلة الاسلام .... وتشتت بقاياكم امانـه يالضميـر الحيّ خبّـر اهلنا بغـزّة …………………. لكم "رب البشر " حاضر ولو حنا نسيناكم احلام مؤجله |
قول رايح .... وش فرق ؟ إيـــــــه أبكي غرّق الصفحات من ديم الحدق وحيل اشكي ,, دونك الطوفان والمركب ورق بلل يباس المحاني , والمشاعر , وصير شاعر لو شهق حرفه وجع غص وشرق ولو زفره جروح ذاب البوح , وبالهم أختنق~ إيـــــــــه خلك ,, لا تحاول ترتقي هذا محلك جزءك المفقود من عمر الأماني, ذاب في هالليل وبالعتم انسرق . وجزءك الموجود , والموعود ماله وجود ~ غير بأوهامك ولو عدّى وش يهمك ولا حتى فرق . صيح ,, لين الريح تنسفك / وتبعثرك / ويسيح اشتياقك من مساماتك ,, وصوتك في لهاتك احترق يـــووووه منك كنت أظنك وللأسف !! ماشفت منك غير ضعفك يوم حرفك مات بإيديك وشهق ~ تشبهك باقي حياتي لا تحاتي ,, وقول هاتي قلبي اللي غير حلمه ماعشق اطلقي للريح ,, ساقي وشهو باقي ؟؟ ماتت أشجار المحبه ,,ياهي صعبة ! حين غدرتها السواقي ,, وجفت الأغصان وأصفر الورق ~ قول رايح ,,, ودعيني وأنطريني وإن حضر طيفي بحلمك أحضنيني قول /رايح / هذا عمري ,,,, في غيابك يشبه حضورك وبابك كل ماجيته بوجهي رده الريح ,,,, انغلق وكل عمري راح مني في انتظارك وإنسرق قول رايح وش فرق ؟؟ أحــــ مؤجلة ـــلام |
| الساعة الآن 09:30 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011