|
بدون عنوان ماعاد تغريني كثير التفاصيل …………………… .قصة وماتت بين قلبي وبيني واللي بقالي منك شعر ومواويل …………………… .واطلال عشقٍ راح بيح كنيني واحساس شوق يمر ليل التعاليل ………………… يحرق ضلوع الصدر ينثر حنيني ماوردوا ع القلب غير الغرابيل …………………… ودمعة ندم واحزان بانت بعيني ----------- واللي قسم نشتاق شوفك ونفقدك ……………………… قادر يعوضنا بـ غيابك .. حبايب وان كان يرضيك المفارق وبسعدك …………………….. الله معك وش عاد نفع الطلايب روح بأمان الله مسموح واوعدك ……………… ماابكي عليك ان صرت "طيب" وغايب -------------- اشعل فتيـل القصايد ليلنا خرمـس …………………… واقدح زنـاد المعاني بدي الجزلـه لاعاش حرف الشعر ان كان مايلمس ………………… اعمق عروق الحشا .. ويهيجه كلّـه تعال نسهر سوا بليل العشق نرمس ……………… ..ودندن قصيد الهوا صعبه على سهله والليل يفرح معي بوجودك ويشمس ......................شفت بحياتك عتم به شمسٍ مطلّه --------- ليت ربي ماخلق بالكون اية ناس غيرك ……………… وين مالديت عيني مااشوف الا عيونك تحتضني بكل لهفة في يمينك مثل طيرك …………… ..يطربه نبض القصايد يوم تعزفها لحونك لو ضميتك اشربك واورد على هداج بيرك .........وارتوي من عذب ماك واروي بشوقي جنونك ----------- اكذب واقول الحلم بكرة يبي يصير ……… واصحا على واقع جميل ومثالي كل يوم اقول اليوم بانام بكير ….. يمكن يجيني الصبح والقا الغوالي كم قالت الأحلام تصبح على خير …… .وانام وأصحى ماني انسان خالي دورت خير أحلامي ولاحصل غير ...........أداوي جروح المفارق / لحالي ماعاد حلم الليل .. يحتاج تفسير ........لاصار مظلم ... مثل سود الليالي يفتح جروح القلب من غير تبرير ..........ويضيق به صدر وضلوع الشمالي أحــ مؤجلة ــلام تويتر .. Ahlaami انتستغرام .. ahlaami2 سناب .. ahlaami2 |
ربك يشوف ويسمعك http://up.harajgulf.com/do.php?img=263670 الله خذا منك وعطاك ……………… ولله دايم مرجعك لاتعتقد ربك نساك ………… .ناده وتشعر به معك منهو بستره قد كساك .........وووبلل عروق واشبعك لو يوم قدّرلك شقاك ………… واشياء ممكن توجعك اعرف بهالدنيا ابتلاك …………... وبجنته… .بيمتعك وشلون تسرف في خطاك .........وربك يشوف ويسمعك |
رد: ديوان الشاعرة أحلام مؤجلة ؟ شكرا علي التوبيك المميز ده |
مطر وطيوف تمر بخاطر الذكرى مطر وطيوف ويصفق ضلعي بضلعي من الضيقه الملم يابس ضلوعي واجر الاوف يعيد الفقد .. والهجراااان تفريقه ياصغر الكون بعيوني وكبر الخوف تروح وقلبي الظامي نشف ريقه تروح بعيد تتعدا نطاق الشوف متى طيرك عكس وجهات تحليقه ويمطرني حنيني لك وله وحروف واعيد بنازف الاشعااار توثيقه وصوتي اللي تزاحم بي دعا ملهوف عسا درب المفارق ربيٓ يعيقه الا ياطاري اللقيا حرقت الجوف اشوفك حلم لكن صعب تصديقه واعيش بهقوتي بكرة تزين ضروف ويبدا حلمي المكسور ... تحقيقه احلام مؤجلة |
احبك .... بكل لغات الشعر احبك بكل اللغات وبكل لغات الشعر وحروفه.. عامي وفصيح .. حرٌ وموزون اكتب لك .. "أنا احبك" ___________________ كثير أحكيـك لـ أشعاري وتكتب بـك ...... قصيدة عشـق ما تخطر على بـالك . بأول شطـر تهمـس لك انـا احبـك ……. وتختمهـا بـ كلمـة "انتَ بـ لحـالك" أحبـك أنت بـ لحـالك ومن غيـرك أحبـه مـوت !! أحبـك لآخر الدنيـا إلى أقصى حـدّ توصل فيه آمـالك إلى أبعـد نجم .. وأكبر شمـس دارت في فضـا الملكـوت أحبـك لين كلمـة "حـب" تجـفّ وتندفـن فيني وليـن آمـوت وبعيـد الشـر بعيـد الشـر عن قلبـك إليـن تـمـوت أحبـك انتَ بـ لحـالك من وجـودك الى اخبـارك الى صوتـك و اشعـارك الى همسـاتك وضحكك إلى أسـرارك ومهما قلت مايكفيـك أنـا واالله أحبـك مـوت أقبلْ بـ كلّك فلا الأَنصافُ ترضينـي ….… ولابقـايـا فُـتـات الغيـر يغرينـي إني أتوق لـ شيءٍ .. لامثيل لـهُ ….. يحيـي الحياة بـ كلّ الكونِ يحيينـي إني أحِبكَ شخصآ كامِـلاً رجـلاً .... يهفـو لـ جمع شتات الروح يحمينـي احلام مؤجلة سناب شات ahlaami2 تويتر ahllaami انستغرام ahlaami2 |
هات احساسك اكتبلي وهـات احساسك اكتبلي عن احلامك عشان أقراك …………………… أبعرف وش به تفكّـر وش اللي دار في بـالك !! أبتنفّـس مشـاعر شـوق من لهفتْـك وأتـهجّـاك ……………………… وأعيشـك كنّ هذا الكون خالي وأنـت بـ لحـالك وبـ لحـالك يغيـب النـاس وأنت لوحـدك أتمنّـاك ……………………… وأفـارق دنيـة الأصحاب دون شعـور وأسعـالك وأهيـم بـ حرفك وصوتك وأضيع ببحّـتك وحكـاك ……………………… وأقول بـ قلبي لـ قلبي حبيبـك ذا ... هنيّـاااالك هنـيّ اللي ملك قلبك هنـيّ اللي حظـا بهـواك ………………………… وأقول لكل حاسـد موووت .. قلبـه ماتهيـالك أنـا قلبـه أنـا نبضه أنا اللي عشـت به وهنـاك ………………….…….. نثـرت بـذور أحلامـي أمـل يكبـر على جـالك عسـا تثمـر سنابل نـور تشرق بـالحياة معـاك ………….…………….. مابين ضلوعـك وصدرك على يمنـاك وشمـالك هناك معاك بأقصا حشاك تلقاني معك وألقـاك ………………………....قلوب تقابلَـت وأرواح .. تحيـا بك وتحيـااا لك وتحيـا بك قصيـدة شعـر تكبر توله لـ طريـاك .......................... تدندن عشقها العذري..حنين وشـوق لوصـالك وهات حروفك أكتبني يطيب الحرف بين شفاك ……………..…..…….. حبيبي واكتب شعـورك حـرام الصمـت يغتـالك أحــ مؤجلة ــلام تويتر .. Ahlaami انتستغرام .. ahlaami2 سناب .. ahlaami2 |
رد: ديوان الشاعرة أحلام مؤجلة ؟ صدفة ... صدفة ... لفونا وفرقتنا المقادير .............. غابوا كثير وحيل حيل اوجعوني كن الحبايب أمس جوني مسايير ...............قهويتهم نبضي وراحوا .. نسوني ياساريين بدرب طول المشاوير ................. ليت وعسا لو ترحمون وتجوني صفوا ضلوعي والمشاعر طوابير ................. مروا عليها وللبعيد ... اعبروني أسمع خطاهم .. للتلاقي تباشير .................... وآقول ماينسون واتبع ظنوني وارجع وأنا احزان قلبي مساعير .................... واقول بكرة مروا بي وخذوني ويمر بكرة ... والقلوب النواطير ..................... تهدن جروحي لو بكتها عيوني أحلام مؤجلة تويتر ... ahlaami@ انستغرام /سناب / ahlaami2 |
في غيابك في غيابك كل هالدنيــا حزينــة مابقــا للعمــر معنــى في غيابــك كل ذكرى .. جابتــٓك مرت علينــا جابهــا ليل الشقــا عاني وجابــك كل همسة عشق ذابت شوق فينا كل ريحة عطر فاحت من ثيابــك في تفاصيــل القصايــد لو تجينــا افتح الصدر واضمــك .. ياهلا بــك ياهــلا بــك .. لو على بالك طرينــا ولو نسيت ولو طريقك بك غدابك ياهلا بــ ريحــة مطر فيه انتشينــا واعشب القلب اللي حبك وانتشا بك لــيه رحت !! وتونــا لا ماارتوينــا من مطــرك ولاتباشرنا بــ سحابــك ماانتهينــا ... تونــا فيك ابتدينــا ليه غبت ودرب هجرك بك سرا بك ليه بــ دروب الغلا .. ماتحترينــا ليه نظمــا شوفك ونتبع سرابــك ولو رحلنا او رسينا بــ ألف مينــا خطوة الأشــواق تاخذنا لــ بابــك لو يمــر العمــر ....مامــرة نسينــا جرح قلب احتاجلك يوم وهقا بك كم جرحت وكم سكتنــا ماشكينــا تدري اللي يعشقك يرضا بــ عذابك ياالقلوب اللي امتلت حزن وغبينة يجبر الله كسرك ... ويجبر مصابك لو بكينــا غصب..... عنا مب يدينــا كل مافينــا انكسر لحظــة غيابــك أحلام مؤجلة تويتر / ahlaami@ انستغرام /سناب ahlaami2 |
| الساعة الآن 05:29 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011