شبكة الشموخ الأدبية

أهديكم بعض ماجاش به الفؤاد ...

حقك علي يمه

حقك علي يمه من احزان الدهر
حقك علي من كل شي مضايقك

لاعاش فيك الحزن ليله والكدر
عسى الفرح يستوطنك ويعانقك

ياليتني صدرك إذا زاد القهر
واتشب فيني نارك اللي تحرقك

ياليتني عينك إذا هلت مطر
وابكي بدالك وامسح اللي غرقك

حقك علي يمه وانا اللي أعتذر
من كل شي أتعب جمالك وارهقك

من هالزمن من قسوته من هالبشر
والعمر والوقت اللي عدى وسرقك

من كل شي قاسي على عينك يمر
حتى الحلم لو مر ليله وخنقك

من كل لحظه سببت لك أي ضجر
حتى الملل عنه اعتذر لو زهقك

لا تحزنين اشذنبها تحزن قطر
وتصيح في قلبي كثر ماتعشقك

انتي وطن داخل وطن فيني كبر
ولك أعتذر عن كل شي فيه خنقك

دمتم ومن تحبون بخير
🌹