خيانه .. مما خطّه قلمي ورسمه احساسي

[أحاسيس دافئة]

مما خطّه قلمي ورسمه إحساسي
ياللي غزيت الروح ثم استحلّيت
روحي وتفكيري وقلبي حنانه
لا ما هقيتك بالخيانه تحلّيت
ما همّك اللي يندلق لك حنانه
أنا اشهد أني في وصالك تماديت
أمّنتك أعماقي وخنت الأمانه
يا من بغدرك والهجر دوم وفٌيت
أبعد بعيد وخل قلبي مكانه
رح في طريقك وابتعد وين ولّيت
وأنا خفوقي بنزعك من كيانه
ما أبيك دامك في عذابي تسلّيت
يا من نقض عهدي وللحب خانه
بنزع غلاك ..وكل ما فيك سجّيت
بلعن طواريك وعذاب المهانه
واليوم أنا بقولها منك ملّيت
وش لي بحبٍ منتهي به أوانه

أتمنى أن يعانق أحاسيسكم الدافئه

[عبدالعزيز الفدغوش]

الشاعرة المبدعة أحاسيس دافئة

صح لسانك وأعلى الرحمن شأنك

وأبدعت في سمو حرفك وبيانك

[عبدالعزيز الفدغوش]

نص في غاية الروعة ومنهى الجمال

لله درك شاعرتنا القديرة أحاسيس دافئة

[إنتظار الشمال]

http://i.imgur.com/eP6vX.gif

[مبارك الطومي]

صح الســانك وقصيدة طيبة
والله يعطيـك الصحة والعافية

[هيبة الشامخ]

صح الله ألســانك ودام شــانك
وسجلت التميز نهجك وعنوانك
لله درك وســلم قلــــــبك وبنانك

[هيبة الشامخ]

قصيدة روعة صح لسانك ملايييييييين

[حفيدة الفاروق]

قصيدة مميزة واطلالة رائعة

الله يعطيك العافية وبارك الله فيك