شبكة الشموخ الأدبية - راحت عيوني تسأل الناس وينك

https://www.youtube.com/watch?v=xwzTx4XULQk
ما هزّت الأشواق قلبـــــــك ولا جيت
ولا بيّن الماضـــــي بــــذكرى سنينك
:
تدري بعـــــــــد ماغاب طيفك وقفّيت
راحت عيوني تســــــــأل الناس وينك
:
ما تــــدري إني بالمحبّــــــــــة أنا ميت
مُغرم غزاه الهــــــــــــــم يَرْجِي حنِينك
:
أشتـــــــاق لك والشوق ماله مواقيت
يِسْهِر نظر عيني لـجـــل رمش عينك
:
ياما لدرب الحب يمّــــــــــــــك تعنّيت
واشقيت نفـــــــسٍ ردّدت لي عوينك
:
لا مر طيفـــــك وسْط الاحلام فزّيت
وأدوّرك وارجــــــــــي ملامس يدينك
:
عُمــــــرٍ مضى مابين ضيقــــة وتنهيت
وانا برغم البُعـــــــــــــد باقي سجينك
:
جيتــــــك وفــــا والوصل منّك تمنّيت
هــــــــاك الغـــــلا يابنت مدّي يمينك
:
:
عبده حكمي