سكنت أنت بحنايا القلب يا أغلى من رأت عيني
يا أغلى من هوته الروح يا روح الروح يا عمري
خيالك دوم في بالي بكل لحظه يهنيني
يسرح في أفق وجدي ويشرح رونقه صدري
حبيبي آه لو تدري بأنك عمري وسنيني
عمري الماضي والحاضر وعمري اللي بعد يجري
حبيبي آه لو تدري بأنك مني وفيني
وإنك نصفي الثاني وتوأم روحي المغري
على بعدك أيالغالي رموش العين تواسيني
تحاول تحجز دموعي والعبره قبل تسري
أنا والله من غيرك ضاعت كل عناويني
وضاعت مني البسمه وريحة طيبي وعطري
حبيبي مد لي حبالك واشبكها بشراييني
لكي تنقذني من تيهي وأرد لوضعي من بدري
سفينة حبنا تمخر في بحر الشوق وتغريني
ومهما الموج غدى عاتي بيلطم هامته صبري
أنا أدري كما تدري بأنك عزف تلحيني
وإنك كل همسة حب أتم أذكرها في شعري
حبيبي ليتك تصدّق بأن وصلك ينجيني
ينجيني ويبعد عني كل هوجاس لي يطري
سكنت أنت بسويدا القلب وبالهمسات تحييني
أنا ما أبيع لا والله أنا أشري أنا أشري
حبيبي هذي القصه قصة حب ترويني
قل لي رآيك المعهود وليتك ترجع لأسري
’،
’،
جوهر الراوي