عبدالعزيز الفدغوش
سلام تسليمة ٍ فيها الوفا للرجال = اللي وفوا وأهتفوا عند اشتعال الفتيل
في عين داع الخطأ والكفر حطوا خلال= وتواجدوا في شموخ ٍ ما وجد له مثيل
محمد العمري
أرحب وحييت يا من فيه زين الخصال=ترحيب صافي يشابه صافي السلسبيل
داع الخطا يا زميلي دعوته في ضلال=مهما يحاول يعدل يلحفه كل ميل
عبدالعزيز الفدغوش
تدري وكل ٍ درى بمعممين الجدال = اللي بظلم وجهل يهرج بليا دليل
لله در الصفا ورمز التعقل وصال= حيث ٍ جابت خفا نبع الضلال الرزيل
محمد العمري
في ضل عصر التشاجر بين عم وخال=دارت عليهم رحاة الغي يوم وليل
بس انتظر لين يظهر لك ثبوت المقال=إما سرح بؤسها والا يعود ذليل
عبدالعزيز الفدغوش
حنا فدا الطاهرة ما عاد فيها سؤال= وأصحاب شين العمل تكوى بنار الجليل
أمر ٍ قليل القدا سماه بالإحتفال= واللي طعن بالنقاء بالدين ماله حصيل
محمد العمري
في سورة النور بان الحق والشك زال=براءة الطاهرة تشفي فؤاد(ن)عليل
واليوم يرجع بلا لنذال يابن الحلال=والحقد فيهم غباره جيل من بعد جيل
عبدالعزيز الفدغوش
شعشع منار النقا والطهر مابه جدال = لكن غاد القدا كذبه كثير ٍ مهيل
ينعت نعوت ٍ خبيثة والليالي طوال = والله كشف عثرته بين الورى يا الزميل
محمد العمري
الراية اللي تضللهم على كل حال = مسيرها تحترق والصبر يا خي جميل
ما همنا دامنا في مشينا باعتدال = واللي يغالون في لزلام داهم عضيل
عبدالعزيز الفدغوش
يا صاحبي لو مع الأيام طال المطال= لا بد من ساعة ٍ فيها يحين الرحيل
مهما يطول الزمن تأتيك ساعة نزال= والأحمر المنتظر لا بد يوم ٍ يسيل
محمد العمري
مهما تستر عدو الله ما من مجال =مصيرها تتضح لاسرار بذن الجليل
واللي تطاول بعرض السيدة يا رجال=ما حقه إلا نقف ضده بسيف صقيل