ياصاحبي والله زمـان التفاريـح=بالقلب ما هيّفت كـل الصراحـه
مـادام قلبـي مالقالـه مرابيـح=مامن دوى للحزن يطلق سراحـه
فرقاك يا غالي جفا بـي تماليـح=واليوم فرحي ما تحـده مساحـه
لو هل دمع العين بلـل مطاريـح=ودمع الفرح يملا بفيضـه براحـه
هذي عيوني وأخذ منها تصاريـح=هلّت بشاير هل زيـن السماحـه
حب ٍ حوى قلبين ماهم مشافيـح=مركب غرام ودرب خالي ملاحـه
ارجوك شف دمعي يسبب تجاريح=وتزيد ناري نار مـا ذي رجاحـه
خلّك قريب ولو باشوفـك تلاميـح=ما نيب للهجران راضـي نجاحـه
الله واكبر كيـف مثلـي مشاتيـح=واشغلت قلبي في مساه وصباحـه
تلعب بقلبي مثل لعـب المراجيـح=ارفق على قلبـي وداوي جراحـه
عرقلتني مليـون مـره ولااطيـح=ولا تحسب أن أخطاك دايم مباحه
ترى خطاك اليوم يحتاج تصحيـح=وابواب قلبـي للتسامـح متاحـه
ودي سوى نشعل شموع ومصابيح=كلّن على خلّـه يرفـرف جناحـه
ترى هوانا يا غـلا لـه تصاليـح=وحقق لقلبي رغبتـه وإنشراحـه

سامي احمد الدحيلان