يا وجود القلب يا شوفته عقـب البطـى ,,,,, وجد من عذِّب ولدها بسجن أبو غريـب
حطه الله تحت رحمة سكـارى وإلْقطـى ,,,,, الجنود اللي على صدورهم رمز الصليـب
لهم حوله قطقطه مثـل قطقطـت القطـى ,,,,, اللغة ما تنفهم والعمـل جـرم ٍ رهيـب
أربعة كل ٍ برجله علـى راسـه وطـى ,,,,, وطية الحريب لا طـاح بيديـه الحريـب
واظهرته الصحف عاري على راسه غطى ,,,,, واعترافاته فضيحة وعيب وشـق جيـب
كان وضعه صح بعيونها وأصبـح خطـى ,,,,, وقامت تهل العبايـر وتلْحقهـا النحيـب
يا وجودي وجدها ما هو بوجـد عبطـى ,,,,, أتظاهر بالسلامة وأنـا جرحـي عطيـب
صاحبي حبه تغلغـل بالأعمـاق وسطـى ,,,,, سطوة العبرود من كف رمّـاي ٍ يصيـب
بس مشكلته خـذا كـل شـي ولا عطـى ,,,,, غير جرح ٍ ما يداوى وذكرى ما تغيـب
والله إن غيرك بطاهم معاد اسمـه بطـى ,,,,, يالحبيب اللي لا قبلك ولا بعـدك حبيـب