خوف ٍ قد تملّكني بنزعه تختزن صبري=شعور ٍ صعب ٍ وقاسي يخلي المرء في حيره
ألا يا كبرها علّه تعل القلب من بدري=تسحب كل هموم الأمس لواد ٍ تغمره سيره
أمر ٍ تقهره نظره تنامت في سنا فكري=تجول بْخاطري أهوالْ يِناديها صدى الغيره
جمله من أحاسيس ٍ يبلّلها ندى عِذري=وسر الحب بدآ يظهر مع الإعلان من بيره
حب ٍ كان في قلبي وْ تماهى في وسَط صدري=يشد الشوق للغالي مجافي كل معاذيره
يسوق الروح بلا توجيه وقوده من شذى عطري=يسطّر من معاناته روايه من تعابيره
يبدّد كل معاني القرب من كلي وْمن شطري=يراقب دمّه المسفوح بسيف الخوف ما غيره
على رغْم الغرام اللي بدا طاهر بدا عُذري=لكن اعتراه الخوف من سرداب تبريره
تشكّل قبل ما يولد لأنّه أصلي وفطري=تخلل في جزيئاتي بحكم الله وتدبيره
راح الغالي لكنْ باقي ٍ حبّه بي يسري=يجري في شراييني كما دمّي بِتسييره
أحس بْقربه يرغبني ويِرعبني على هجري=هجرني سنين لكنّه لم ينسى تعازيره
بنى أسره على حزنه بِقانون انفرض جبري=لكن صار به راضي وأكمل به مشاويره
وانا باقي على حالي ضناني الشوق وذا قدْري=بين الخوف والآمال ربي يكتب الخيره

جوهر الراوي