كون انا يمك
كون انا يمك وضم ليلي على ليلك
وللفجر اكعد وانطرك
كون انا يمك لفتحلك اوراق العشك
واكتبلك بدم الكلب
وانضملك احلى قوافي الشعر
كون انا يمك
كون انا يمك لحجيلك على المر والمضى
وخلي دموعي ترويلك احوالي والجرى
هذا مو دمع ينزل هذا نهر يجري
يشكيلك يا غالي عن سهام الغدر
كون انا يمك
كون انا يمك وحط ايدي على ايدك
وانظر لعينك يا عمري
تدري بغيابك ما سعد ليلي ونهاري
بس البجي والدمع حلالي
كون انا يمك
تذكر ايام المضت من روحي بروحك التكت
ومشينا على دروب الهوى
وبالكلب خطينا حروف الهنى
كون انا يمك وحط راسي على صدرك
وسولفلك سوالف عشك جمعتنه سوى
يوم انا وياك كعدنه وتعاهدنه سوى
يوم انا وياك كعدنه وتعاهدنه على الوفى
ثاري القدر ناوي عالهجر وفراك الكلب
كون انا يمك وفرجك على شيب القهر
وكل شيبه تبصرلك هموم وصبر
تذكر من جرى دمعي وذبل عودي
يوم فاركنا القدر
انا وياك كعدنه هناك على في الشجر
بجينا بنار وبحركة كلب
كون انا يمك يعمري واشوفك واحجيلك
شلون لوعني الهجروشلون غيرني الدهر
كون انا يمك
يبقى كربك بليلي ونهاري حلم يسري
ويبقى كلبي بكلمة احبك نبض يدمي
وتبقى ضحكاتك وحجاياتك بأذني تدوي
كون انا يمك
كلمه عاشت بروحي دهر
كون انا يمك
بقلمي
شيم
;,k hkh dl; 00000 frgld