قالـوا علامـك قلـت والله مظلـوم=ظلم ٍ عظيم شـق ستـر الظلامـي
سبة وليف ٍ لي علـيْ كثّـر اللـوم=لوم الحبيـب اللـي يكثّـر ملامـي
هو مرخص ٍ لي وآنا له معلي السوم=مغليه وحبّه فـي خفوقـي وسامـي
وحرفي من آجله غادي ٍ حيل محموم=أحر ما عندي لـه بـرد وسلامـي
يا قاضي الغرام ويـا سيّـد القـوم=أحكم وإفصل فـي قضيـة غرامـي
سنين حبي كنّهـا المسـك مختـوم=لولا الفراق اللـي يشابـه عدامـي
المسألـه يـا سيّـدي دايـم الـدوم=أنا آتقـرّب لـه ولـه دوم آحامـي
له الغلا في دمّي واضـح ومعلـوم=وعشقه بشريانـي يحقـق مرامـي
ياما ويامـا أسهـر الليـل محـروم=محروم من شوفَتْه والشوق حامي
وهذا الوله ما يركد بصولته يوم=ما غير ثاير وآصبح القلب دامي
ما غيره اللي يسعد الروح زيـزوم=حيث إنه محور رغبتي واهتمامـي
عزّاه يا عين ٍ جـلا عنّهـا النـوم=صارت سهيـره بالليـال الغشامـي
وعزّاه يا قلب ٍ غدى اليوم مصـدوم=والروح باتت من عناهـا تضامـي
وعزّاه يا جسم ٍ مـن القـو معـدوم=عجزت تشيله حتى أقوى عظامـي
وعزّاه يا حب ٍ على الهجر ملـزوم=يا كيف يحيا دون وصـل وسلامـي
وعزّاه يا العواذل خـادم ومخـدوم=وش حدّكم على الشمايـت دوامـي
وعزّاه يا نفسي من اللـف والحـوم=في كوكب العشاق مثـل الحرامـي
’، جوهر الراوي 