أتركك .. وأشتاق .. وأرجع ..آآه يالانفصام!! علمتني دنيتي اقسى معاني الانفصام!! اتركك واشتاق وارجع القى قلبي بك جريح
..::
::..
يعني متوقع حبيبي وانت متضايق بنام؟
ولا في بالك بأني في غيابك بستريح ..
..::
::..
ولا يعني في بعادك بنسى حبك والغرام..
لا حبيبي لا حبيبي لا حبيبي مو صحيح..
..::
::..
أقسم بربي انا ما عاد فيني للكلام ..
لو يجي اي حد يناظر في عيوني راح اصيح !!
..::
::..
وش فوائد هالسفر ما دامنا هم وخصام؟؟؟
من تركت الدار قلبي كل ما يشكي اطيح !!
..::
::..
كلها عشرين يوم وكل يوم مر عام ..
وانت ما حسيت فيني انت والاحساس ميح !!؟
..::
::..
و لما ترجع لي أعود لك وانا اهمس : ياحرام
ما رضى قلبي يشوفك وانت من جرحك طريح
..::
::..
وانته لصدري تصوب غيبتك هم وسهام !!
بالجروح انت الكريم وبالوصال انت الشحيح
..::
::..
ما بقى صبر في صدري كل ما فيني حطام
شف بقايا قلب حبك والله المنظر قبيح
..::
::..
احترمني كان باقي للغلا فيك احترام
وان بغيت تغيب كيفك ملت البيبان ريح !!
..::
::..
انا ادري بحال قلبي : إنفصام بإنفصام
بتركك واشتاق وارجع القى قلبي بك جريح
..::
::..
بس انا قررت اسافر يا حبيبي : إنتقام !!
صرت اصدق من يسافر عن دياره يستريح..!!
..:: م/ن
جميع الحقوق محفوظة وحتى لاتتعرض
للمسائلة القانونية بسبب مخالفة قانون حماية الملكية الفكرية يجب ذكر :
- المصدر : شبكة الشموخ الأدبية
- الكاتب :
رهف الأنصاري - القسم :
منتدى التراث والمنقول - رابط الموضوع الأصلي : أتركك .. وأشتاق .. وأرجع ..آآه يالانفصام!! |