قسا .. ولا تغلي أو جهل ولا جفاف قلوب
.......... على كثرة مطر غيمي وورود الحب عطشانة
مصيبة كان بزرع وانتظر واجني الثمار كذوب
.......... يخيبني الحقل وأنا بذلت الجـــــهد من شانه
خبرت إن الجليد ليا وقع فيه اللهيب يذوب
......... وخبرت إن البحر ما ينكره لوله ومرجـــــــــــانه
ليالي تشرب إحساسي سيول وتنبت العذروب
......... عليها تمسي عيوني وتصبح شوف ولهـــــانة
ارتبني.. ولي هبت هبوب تردني مقلوب
......... تغطي وجهي رمال الحيـــــــــاة وتقلب ألوانه
نعم مدري البلى بالأرض ولا بالنبات عيوب
......... أو أظن الحـــــــــــيا غير مكانه واخلف أزمانه
عجيبة كيف صدقي حاصله يصبح علي ذنوب
......... أقدم ما بوسعي للغلا وأفوز بإحــــــــــــزانه
الملم ما بقى مني وأدور للوضوح دروب
......... أبفهم ذا المصير اللي وصلني ويش عنــوانه
وشفت ان الزمن يشبه رجل يلبس شماغ وثوب
........ قريب ولا نخيته شح في عطفــــه وبحسانه
تقابلني الأماني.. تلطم خدود.. وتشق جيوب
......... تصيح وتشتكي ظلم وألم تقصير وخيــــــانه
أعيش وراحت أيامي ضحية عاطفة واسلوب
........ ذبل فيني الطموح وخاطري ضاقت بي أركانه
سالم الصقــــور
[tJJJ rgJJJJ,f JJJht [tJJJ rgJJJJ,f JJJht