مغرور قلبك لا توصيه مغرور=واثر المحبه فيه اكبر خساره

ودي يشوف الهم وتعيش مكسور=وعساك تحيا واحتفل با نكساره

ودي اشوفك ضايق الصدر مقهور=لنّك بليد احساس قلبك عماره

تعطي كلام الحب وتلف وادور=حتى الخيانه تعتبرها شطاره

جازيتني بالجرح والظلم والجور=والقلب زايد من بلاويك ناره

عندك يتوه الحب ويموت مغمور =وعندي يعيش الحب زايد وقاره

مثلك حرام يعيش بالكون مسرور =ومثلك مرض لابد قطع انتشاره

راح ابتعد وانساك والشوق محظور=والحب في قلبي معطل قراره

لا تحتري لقياي والقلب مجبور=يدفن جروح الحب باقرب مغاره

مغرور قلبك لا توصيه مغرور =واثر المحبه فيه اكبر خساره