ياغزال الريم ياظبي الفلا




ياغزال الريم ياظبي الفلا ** ارحم اللي منك عينه ماتنام
ياهلا في شوف زولك ياهلا ** يالطيف الروح خذ مني سلام
ارحم اللي في هواكم مبتلا ** من ودادك نايح نوح الحمام
المحبه والملاحه والهوى ** زاهيات فيك يابدر التمام
باح صبري منك والقلب امتلا ** والله اني في غرامك مستهام
والله اني ماهويت من الملا ** من جميع الناس من حام وسام
كود زولك عنه قلبي ماسلا ** لك فوادي دش في بحر الغرام
ليت من هو ثمانك ينهلا ** حبتك ياصاحبي برد وسلام
مابتليت بحب غيرك لاولا ** زارني طيف سوى طيفك حرام
مبسمك فيه الدوا لوذبلا ** ان ضحكت بليل ينجال الظلام
حبتك تغني عن الما والكلا ** من رحبق شفاك جرعتني مدام
صابغ حبك بقلبي مانجلا ** ياحبيبي مثل دقات الوشام
امتلا قلبي بحبك والغلا ** من عذلني عنك ماسمع له كلام