على العهد يا حادي الشمس للغرب
ما حدني طول البطا للتخـــــــاذل
إن ما مشيت الدرب يمشيني الدرب
لجل الاماني عشت للجهــــد باذل
شح الوصل واقول له باكر القرب
واذكرك بالخير ان سال عنك عاذل
ما خفت نقص الزاد او نقص بالشرب
لكن علومك مسني منْـــــــها ذل
طبعي اجي لك سلم وان جيتني حرب
قبلت لعيونك جباه البهـــــــــاذل
دامك لذبح السالفه بيننا طرب
ارقص على صفقة كفوف العواذل
ســـــالم الصقـــور