شبكة الشموخ الأدبية - عرض مشاركة واحدة

عادل بوبدر · 04-19-2011, 07:06 AM

اقتباس:

المشاركة الأصلية كتبت بواسطة توأم روحي

لا يا حمام الورق ياللي مهنتك جرّ اللحون
أسرفت في الاجواد حتى بـيّـحَـت مكنونها

ما دام خلانك قريب من الغصون إليا الغصون
وش لك على ذيك الطروق اللي تجرّ لحونها؟

صوتك ترانيمه شجَـن وانا بعد كلي شجون
لا واعذابك يالقلوب اللي تهيض شجونها

دارك قريب ولا عرفت البعد فرّاق الضعون
و حرّ الفراق يولـّع الجمره على غـليونها

الشوق يجبرني على بدع المثايل والفـنون
وانا سـلـيـطٍ في مثايلها و بـدع فـنــونها

دنيا تجرّعنا العنا من كل شكل وكل لون
لا قلت زانت عوّدت ثم عرّضتـني متونها

والناس ما منها رجا توعد وتخلفك الظنون
حتى الامانه ضايعه ما عـيّـنت مامونها

ماكل من يـدّانها يصدق و يوفيك الديون
منها بري لانيب ضامنها ولا مضمونها

بلشت بعيال الظهر واليوم بعيال البطون
الله يكافـينا عيال ظهورها و بطونها

لا جيت تضحك لك ولا قـفــّـيت تضرس بالسنون
مثل الذياب اللي على البيدا تحدّ سنونها

وجدي على اللي يسبق الكلمه بنضرات العيون
أدعَـج غـنـَج ياخذ من الآرام زين عيونها

ابو رموش ٍ ظلـّها يضفي على ذيك الجفون
تعيش رعشات الرموش اللي زهَـت بجفونها

وابو جديل ٍ لا ضوى يسدل على بيض المتون
ليلة دجى تصعب على السارين ما يسرونها

يا عود موز ٍ مرتوي يسقيه هتــّـان المزون
لا هبّ نسناس ٍ من الغربي تميل غصونها

يا مسحة الكف الندي يا نبضة القلب الحنون
يا غـيمة ٍ خـيّـل علي بـرّاقها و مزونها

يا نسمة العطر العذي لا فاح عطر الزيزفـون
الرنـد في طرّافها والعطر عطر ردونها

قالوا لنا بعض المحبه من جنون ٍ في جنون
وانا غريم ٍ بالمحبه جنــّـها و جنونها

لا هان قدرك يا غضيض صباك وحنا ما نهون
عِــشرة زمن ما اظـن ننساها ولا تــنسونها

يشهد على صدق المشاعر رب مكه والحجون
إني على ذيك العهود أحـنــّـها و أصونها

أنت الوفا ساس النقا كِـفـيت صكـّات المنون
يا بلسم جروح ٍ دهاة الطب ما يـبرونها

بنيت لك وسط الحشى درع الموده و الحصون
تموت عـذال الهـوى موتــة قـهر من دونها
عادل بو بدر*
لله درك لله درك
عشنا معك بـجّو القصيده رآآئـــعه وآآآآكثر..
صح الله لسانك و عطّر انفاسك
وسـلمتَ لـهذه الباذخه الرآئــعه
واصل اتــحافنا
شكرٍآ لك بــحجم آلسمآء وٍآكثرٍ..
وٍلآعدمنآإك
لروحك المبدعه أجمل الورد

توأم روحي

تبارك الله وماشاء الله
شكرا والف شكر على هذا التصميم الرائع الذي اعطى القصيدة بريقا
امتزج بصدق المشاعر الذي سطرته ابيات القصيدة
تواجدك على متصفحي شرفني ياقديرة

عادل بوبدر