في الذاكرة (ليلى)و(مالك)و(هداج) = وابيات مجنونٍ جنونه صراحه
جاء يشتكي همه لسكان الأبراج = وإلتموا أهل الفلسفه والفصاحه
قالواعرب والقول مايرجع أدراج = يمشي دروبه عوج وإلا سماحه
لايرحم الله فوج من ذيك الأفواج = ولايرحم الله طير يرخي جناحه
راحوا وصاروا سالفة كل هراج = والمقبلين أشد حمق ووقاحه
ياسيدي كيد العدا وإرفع التاج = أنا لهم خصمٍ جنوده إرماحه
ياسيدي دون النظر رمش وحجاج = تحميه من عج الطريق ورياحه
دون الكرامه من دمي سيف وسياج= والفارس اللي مايخونه سلاحه
بأصبرومثلي لأجمل الصبر محتاج = ماتقبل الدنيا على كف راحه
قررت أغامروأخجل الشمس بسراج = وأخلع عن اللون الرمادي وشاحه
ياسيدي والصدق للقلب منهاج = لوما يحبك ما أفتداك بجراحه
ما أبيك تلحقني على سيف الأمواج = ما ينقذ الغرقان جاهل سباحه
مهدي سعيد
راقت لي ونقلتها لكم
ماجد العريض