يابنت ياللـي تطلبيـن الاضافـه
أنا آعتذر ماني من اللي يضيفـون
أمشي على درب النقآ والنظافـه
ولاني من اللي للحبيبه يخونون
يابنت من يتبع هوى النفـس آفـه
والبهرج الخداع ماهوب مضمون
درب ٍ ماهو للزين نفسـي تعافـه
خِلّي عساه من الحسد دوم مصيون
ما احب انا درب الخطآ واقترافه
ترفّقي بالنفـس بالهـون بالهـون
حتى آيش لـو انّك تمدّي كنافـه
مع لوز مع تفاح بالحيل يشهّـون
الله تـرى فـوقي وفوقـك نخافـه
ومن لا يخاف الله يابنت محـزون
أغناني الله عـن كـلام السخافـه
باللي بها قلبي مع العقـل مفتـون
مكمّله حِسْـن وجنـاب ولطافـه
والدين والآخلاق والعقل مـوزون
وانا اعترف فيني صمود وجلافـه لكن مع الغالي على مـا تحبـون.! 